Tags-Falak

jise kahte ho tum gardūn-e-gardāñ
falak charḳh-o-sip.har-o-āsmāñ hai

vale is sard-mehrī-e-falak kī
hai vo hī garmī-e-bāzār baaqī

tab falak par qamar nahīñ aatā
yaar jab baam par nahīñ aatā

aañsū falak kī aañkh se Tapke tamām raat
aur sub.h tak zamīn kā āñchal bhigo ga.e

kyā aarzū ki ḳhaak meñ apnī mileñ na yaañ
kis rū se ab falak se maiñ kuchh aarzū karūñ

āñkheñ zamīn aur falak dastkār haiñ
paanī ke jitne ruup haiñ sab musta.ār haiñ

falak pe chāñd nikaltā hai aur dariyā meñ
balā kā shor ġhazab kā ubaal rahtā hai

zamīñ sitāre falak ek hoñge gardish meñ
ruteñ vo aisī agar apne saath lā.egī

sū-e-manzil meñ har qadam apnā
ik falak chhoḌ kar uThātā huuñ

samundar kī maujoñ ko chhū kar havā.eñ palaTne lagī haiñ
sitāra falak par kahīñ chal rahā hai diyā jal rahā hai

aap ke paañv tale se bhī khisaktī hai zamīñ
aap ne kyuuñ ye falak sar pe uThā rakkhā hai

miT ga.e tere miTāne ke nishāñ bhī ab to
ai falak is se ziyāda na miTānā hargiz

barābar ḳhaak ke to kar dikhāyā
falak bas be-adā.ī ho chukī bas

jhuk hī jaatā hai falak aañkh jahāñ paḌtī hai
chuum letī hai zamīñ paañv jahāñ rakhte haiñ

falak se ham ko aish-e-rafta kā kyā kyā taqāzā hai
matā-e-burda ko samjhe hue haiñ qarz rahzan par

sar-e-ḳhvāb hī kabhī tum bhī to mujhe dekhte
vo tilism thā ki falak bhī zer-e-nagīñ milā

go uḌāte haiñ abhī dhūleñ ham
chāhte haiñ ki falak chhū leñ ham

parvāz kī havas ne asīr-e-falak rakhā
ruḳhsat huī to daam meñ Daale ga.ī mujhe

baḳht-dāzoñ ko ro rahā huuñ maiñ
ġham-zada par falak azaab na kar