Tags-Falak

tere dil meñ hazāroñ mahfileñ jalvoñ kī pinhāñ haiñ
falak par anjum-e-tābāñ kī mahfil dekhne vaale

mujh ko pūjegī tah-e-ḳhāk jo duniyā hai 'shakīl'
kal jo TuuTā thā falak se vo sitāra maiñ huuñ

khaḌā huuñ zer-e-falak gumbad-e-sadā meñ 'munīr'
ki jaise haath uThā ho koī duā ke liye

gūñjī na kyuuñ falak se koī āyat-e-ġhazab
ye gumbad-e-sukūt sadā kyuuñ nahīñ huā

us kī adā pe shāyad rone lage falak bhī
va.adoñ se apne kaise ab vo mukar rahā hai

raat falak par ubhre to
maiñ tāroñ se bhar jā.ūñ

kyūñkar na 'havas' jaave sadqe falak-e-nīlī
nīlam hī kā sab gahnā jab yaar pahan nikle

un ke qadmoñ tale falak aur maiñ
sirf pahnā.ī-e-falak dekhūñ

gar anjum-e-falak se bhī tādād kījiye
nikleñ ziyāda daaġh mire dil ke chaar pāñch

mīnā-e-nuh-falak hai kahāñ bāda-e-nashāt
shīshe haiñ ye to zahr-e-halāhal ke chaar pāñch

jalva tirā kahāñ nahīñ ai āsmān-e-husn
jis jā falak na ho koī aisī zamīñ nahīñ

kuchh havā, aag, zamīñ, aab, falak
phir mujhe lauT ke ghar jaanā hai

ḳhāksāroñ se jo rakkhegā ġhubār
o falak badlī tirī ho jā.egī

shab-e-āḳhir falak par TimTimā kar Dūbte taare
maiñ apne saath terā dard bhī mahsūs kartā huuñ

dāman kī dhajjiyoñ ko sitāroñ se bāñdh kar
koī falak ke paar huā hai abhī abhī

tirā shahr shahr-e-ajīb hai yahāñ kaun hai jo ġharīb hai
koī kah rahā hai falak mirā koī kah rahā hai zamīñ mirī

ḳhaak maltā hai falak aa ke mire qadmoñ kī
ḳhāksārī ko bulandī kā laqab kahte haiñ

falak abr kī tarah phaT jā.egā
mire naale jis roz Takrā ga.e

mire falak se vo tūfāñ nahīñ uThā phir se
mirī zamīn meñ vo thartharī bahut aa.ī

ḳhaak se tā-ba-falak terī nigāhoñ kā tilism
Thahrā Thahrā sā jahān-e-guzarāñ aaj bhī hai