Tags-Falak

sitāra-e-falak-e-husn kahiye kam-sin hai
abhī vo chāñd kā TukḌā mah-e-tamām nahīñ

kyā nahīñ dekhī bulandī aah kī
kyuuñ falak kartā hai rif.at par ghamanD

zamīñ kī be-panāhī dekhtā huuñ yaad kartā huuñ
falak pahlū meñ tum sā mehrbāñ kaisā rahā hogā

ye bhī haiñ us falak-e-husn ke juuyā mirī tarh
chāñd sūraj ko jo din-rāt safar rahtā hai

kabhī to harf-e-duā yuuñ zabāñ talak aa.e
utar ke jis kī pazīrā.ī ko falak aa.e

dil ne dekhā mujhe aur maiñ ne falak ko dekhā
bach ke sāhil pe agar koī safīnā aayā

falak ko kaun sī vaadī barahna-sar nazar aa.ī
garajte bādaloñ ke lashkarī har-sū nikal aa.e

maza hai spēch kā dinner meñ ḳhabar ye chhaptī hai pionēr meñ
falak kī gardish ke saath hī saath kaam yāroñ kā chal rahā hai

fanā isī rañg par hai qaa.im falak vahī chaal chal rahā hai
shikasta o muntashir hai vo kal jo aaj sāñche meñ Dhal rahā hai

falak bhī ye saarā usī ke havāle
vo ḳhud chāñd hai hī sitāre bhī us ke

aa ga.ī sar par qazā lo saarā sāmāñ rah gayā
ai falak kyā kyā hamāre dil meñ armāñ rah gayā

duā.eñ aur fariyādeñ falak se lauT aatī haiñ
ḳhudā ko ġhāliban merī razā achchhī nahīñ lagtī

ai falak rahne de uryāñ hī pas-az-marg bhī tū
soñptā kyā hai kafan-duzd kā asbāb mujhe

chamke jo sitāra-e-bulandī
tā.ūs-e-falak mujhe humā ho

chāhūñ jo falak se farsh-e-mātam
TuuTā bhī na guhar meñ na boriyā ho

faqat dūriyoñ meñ hī saarī kashish hai ki nazdīkiyoñ se bharam TūTte haiñ
falak pe chamaknā hai qismat hamārī zamīñ se ye kahte haiñ TuuTe sitāre

hai chāñd falak par ik lamha
aur ik lamha ye sitāre haiñ

maiñ uḌ rahā huuñ falak tā falak ḳhumār meñ yuuñ
ki mujh pe ek jahān-e-digar khulā huā hai

yaañ vasl hai talāfi-e-hijrāñ meñ ai falak
kyuuñ sochtā hai taaza sitam intiqām ko

jab siiñ us almās kī pahuñchī kā hai aañsū meñ aks
tab siiñ har tār-e-falak hīroñ kā maalā ho gayā