English
Favourite
Favourite
UrduShayarUrduShayar
Expand menu
Sign inAccount

Tags-Falak

isī falak se utartā hai ye añdherā bhī
ye raushnī bhī isī āsmāñ se aatī hai
Sher
 isi falak se utarta hai ye andhera bhi
aate rahte haiñ falak se bhī ishāre kuchh na kuchh
baat kar lete haiñ ham se chāñd taare kuchh na kuchh
Sher
 aate rahte hain falak se bhi ishaare kuchh na kuchh
falak kī jagmagātī chhat hai sar par
maiñ hairāñ huuñ ki kis ke sāmne huuñ
Ghazal
 main jaisa bhi hun tere samne hun
na pūchh ai ham-nashīñ college meñ aa kar ham ne kyā dekhā
zamīñ badlī huī dekhī falak badlā huā dekhā
Nazm
 ab aur tab
falak pe bhiiḌ lagī thī shikasta aahoñ kī
duā se pahle mujhe rāsta banānā paḌā
Sher
 falak pe bhiD lagi thi shikasta aahon ki
falak to gosh-bar-āvāz hai magar 'tābish'
na ho zabān hī muñh meñ to kyā ḳhitāb kareñ
Ghazal
 dar-e-ufuq pe raqam raushni ka bab karen
shor aahoñ kā uThā naala falak sā niklā
aaj is dhuum se zālim terā shaidā niklā
Ghazal
 shor aahon ka uTha nala falak sa nikla
mat shafaq kah ye tirā ḳhuun falak par hai 'nazīr'
dekh Tapkā thā kahāñ aur kahāñ jā niklā
Ghazal
 shor aahon ka uTha nala falak sa nikla
falak ne un ko atā kī hai ḳhvājgī ki jinheñ
ḳhabar nahīñ ravish-e-banda-parvarī kyā hai
Ghazal
 nigah-e-faqr mein shan-e-sikandari kya hai
chhat se kabhī utrā to nazar aayā falak par
ziine se kabhī us kā utarnā nahīñ hotā
Ghazal
 kab marhala-e-gham se guzarna nahin hota
sūraj sitāre koh o samundar falak zamīñ
sab ek kar chukā hai ye gaz bhar kā aadmī
Ghazal
 shayad ki mar gaya mere andar ka aadmi
kam paḌ ga.ī parvāz ko jab vus.at-e-aflāk
ik aur falak apne hī shahpar se nikālā
Ghazal
 har rang-e-tarab mausam o manzar se nikala
falak par lukka-e-abr-e-subuk-raftār raqsāñ thā
bahisht-e-husn thā duniyā kī barnā.ī kā har zarra
Nazm
 maulana mohammad-ali marhum jauhar
falak pe chāñd hai aur paas ik sitāra hai
ye terī merī mohabbat kā isti.āra hai
Ghazal
 falak pe chand hai aur pas ek sitara hai
huā jo sāmnā sūraj kā mere zaḳhmoñ se
falak pe chhoḌ ke apnā libās Duub gayā
Ghazal
 bhanwar se bach ke wo sahil ke pas Dub gaya
nigāh-dār-e-falak tā-falak rahā vo 'kamāl'
aur ab zamīn pe TuuTī huī kamān sā hai
Ghazal
 ajib shaKHs hai dharti pe aasman sa hai
falak darīchoñ se jhāñkte ḳhushnumā manāzir
zamīñ pe be-zāriyoñ meñ lipTī hayāt likhnā
Ghazal
 nae zamane ke nit-nae hadsat likhna
māh-rū aur bhī haiñ duniyā meñ
yuuñ falak par dimāġh kis kā hai
Ghazal
 dil-e-pur dagh bagh kis ka hai
us shaḳhs ne kal hātoñ hī hātoñ meñ falak par
sau baar chaḌhāyā mujhe sau baar utārā
Sher
 us shaKHs ne kal haton hi haton mein falak par
maiñ yaad kartī huuñ un ko jo mujh ko chhoḌ ga.e
falak pe jab bhī sitāre shumār kartī huuñ
Ghazal
 kisi ki tarz main kab iKHtiyar karti hun
Top Urdushayar.com