Tags-Falak

chaleñ go ki saikḌoñ āñdhiyāñ jaleñ garche laakh ghar ai falak
bhaḌak uTThe 'ātish'-e-tūr phir koī is tarah kī davā nahīñ

ik dhund sī falak se utartī dikhā.ī de
phir us meñ aks aks sañvartā huā sā maiñ

dil ki hai kushta-e-bedād-e-falak ai 'sāhir'
is ko tābānī-e-ḳhurshīd-o-qamar dī jaa.e

falak pe chāñd nahīñ koī abr-pāra nahīñ
ye kaisī raat hai jis meñ koī sitāra nahīñ

falak pe kirchiyāñ āñkhoñ meñ motiyā aañsū
jo reza reza huā āftāb us kā thā

falak par uḌte jaate bādaloñ ko dekhtā huuñ maiñ
havā kahtī hai mujh se ye tamāshā kaisā lagtā hai

pāmāl shoḳhiyoñ meñ karo tum zamīn ko
Dālūñ falak pe zalzale meñ iztirāb meñ

kahīñ zarūr ḳhudā ko mirī zarūrat hai
jo aa rahī hai falak se sadā udāsī hai

palaT ke ham ne bhī ik baar phir nahīñ dekhā
falak jo bech diye ham ne kal chhatoñ ke evaz

lage ḳhadañg jab us nāla-e-sahar kā sā
falak kā haal na ho kyā mire jigar kā sā

agar nahīñ thā yahāñ koī muntazir merā
to phir falak se utārā gayā thā kyuuñ mujh ko

vo palaT ke jald na ā.eñge ye ayaañ hai tarz-e-ḳhirām se
koī gardish aisī bhī ai falak jo bulā de sub.h ko shaam se

ai mere yaar tire pīchhe aa rahā huuñ maiñ
tū intizār kī ḳhātir falak pe ruk jaanā

jo rakhte the dimāġh apnā falak par
zamīñ par ab nahīñ un kā nishāñ tak

zamīñ ke siine meñ sūraj kahāñ se utre haiñ
falak pe duur koī baiThā sochtā thā bahut

bulandiyoñ kī havas hī zamīn par laa.ī
kaho falak se ki ab rāste se haT jaa.e

jo qasd ho ruḳh-e-raushan ke vasf likhne kā
falak se le varaq-e-māh-o-āftāb qalam

hai ye falak-e-sifla vo phīkā sā farañgī
rakhtā hai mah o ḳhur se jo paas apne do biscuit