Tags-Falak

ab apne āñsuoñ pe hai sairābi-e-hayāt
kuchh aur is falak pe bharosā nahīñ mujhe

mehr-e-qamar kā hai ab un ko gumān
āh-e-falak-sair ne ye kyā kiyā

haañ ai falak-e-pīr javāñ thā abhī aarif
kyā terā bigaḌtā jo na martā koī din aur

shaam hī se mah-e-tamām chaḌhne lagā falak kā baam
āḳhir-e-shab ye narm-gām ek utaar meñ milā

rahm kartā na falak kyā kartā
ham sazā-vār-e-sitam bhī to na the

un kī fikr-e-rasā falak-paimā
apnī socheñ haiñ āsamān-zada

hai auratoñ kī dhuum zamīñ se falak talak
sa.ī-e-baqā-e-shaukat-e-mardāngī kī ḳhair

āshiq o ma.ashūq kartā hai judā
ai falak ye kaam bhī kartā hai tū

saat falak kyuuñ Dhalte haiñ aañsū meñ mere
paanī kī tashkīl meñ sahrā kyuuñ aatā hai

maiñ ne chheḌā qissa-e-jaur-e-falak
jaane kyuuñ un ko pasīna aa gayā

falak ko bhī dekheñge lekin abhī
zamīñ par bhī kitne maqāmāt haiñ

falak ko zid hai ki ham ko rulā ke dekhegā
hameñ ye zid hai use muskurā ke dekheñge

nahā rahe the shajar kisī jhiil ke kināre
falak ke taḳhte pe chāñd baiThā sañvar rahā thā

bebāk nigāhoñ kā falak-bos ishāra
sañgīn chaTānoñ se guzartā huā dhārā

falak o mudda.ī o yaar o ajal
sab bhale haiñ magar burā hai ishq

koī ta.ayyun koī tayaqqun nazar ko mahdūd rakh sake jo
falak se nīche bahut hī nīche banā hai ik sā.ebān sā kuchh

rahūñgā maiñ to hamesha qasīda-ḳhvāñ us kā
zamīñ falak se bhalā kaise iḳhtilāf kare

ranjish jo hamāre beach rahī to aag falak ne barsā.ī
ab soch na kuchh mausam ko samajh ai yaar ye pahlī bārish hai

falak ke paas mohabbat kī ik kiran bhī nahīñ
zamīn kahtī hai muñh khol de ḳhazāne ke

falak ke purze ab uḌne meñ koī der nahīñ
pahāḌ sarke zamīnoñ meñ ġhaar hone lage