Tags-Falak

ai falak kis ne kahā thā tujhe ye to batlā
is shitābī se shab-e-vasl sahar karne ko

pāmāl kar diyā jo falak ne to kyā kaheñ
ham to kisī kamāl ke bhī mudda.ī na the

jaane to do falak pe mire nāla-e-junūñ
purze uḌā.eñge varaq-e-āftāb ke

ḳhālī kahāñ falak sitam-e-rozgār se
rakhtā hai dil pe daaġh mah-o-āftāb ke

kho degā dūd-e-āh falak kī barahnagī
Dālegī shaam muñh pe naqāb āftāb ke

uTThe vo dūd-e-dil ki falak ho gayā siyāh
gul ho ga.e charāġh mah-o-āftāb ke

nā-tavānī kā burā ho aah kar sakte nahīñ
kyuuñ falak ab jazb-e-dil kā imtihāñ kyuuñ kar kareñ

ye falak-shigāf imārateñ mire aab o gil se bichhaḌ ga.iiñ
mire aab o gil pe karam na kar tū imāratoñ ko zavāl de

jin pe nāzāñ the ye zamīn o falak
ab kahāñ haiñ vo sūrateñ baaqī

chalegī chaal koī gardish-e-falak shāyad
ka.ī dinoñ se baḌā iztirāb rahtā hai

ta.allī zamīñ se jo nāloñ ne kī
falak par ayaañ zalzala ho gayā

tiira hai ḳhāk-dāñ to falak be-nujūm hai
laa.e kahāñ se maañg ke dast-e-talab charāġh

tārīḳh meñ qaumoñ kī ubhre kaise kaise mumtāz bashar
kuchh mulk ke taḳht-nashīñ kuchh taḳht-falak ke tāj-basar

jaatā huuñ jis jagah ab vaañ ḳhānumāñ hai merā
khoyā hai ai falak tiiñ go ḳhānumāñ se mujh ko

tire gulshan meñ tāroñ kī bahār ik hai ajab jaadū
ye kaliyāñ phuul ban kar ai falak kumhlā nahīñ jātīñ

pā-e-himmat to mirā lañg nahīñ hai 'hātim'
go mire kaam ke ta.iiñ dast-e-falak luulā hai

falak se uupar bhī ek chhat hai zamīn aisī
falak ke us paar ek ziina banā rahā huuñ

chalo ki kal mileñge phir ye qisse kal pe chhoḌ do
zamīñ pe qumqume jale falak pe raat chhā ga.ī

tamīz ġham ko diyā thā falak ne aish itnā
ki jaise jalva-e-rañg-e-sharar sharar meñ rahe

charāġh aise tah-e-farsh-e-zamīñ rakkhe ga.e the
falak kī maañg meñ ik jhilmilātī kahkashāñ hai