Tags-Gham

tire kaif-e-husn kī jaan hai mirī be-dilī-o-fasurdagī
jise kahte haiñ ġham-e-rā.egāñ vo liye hue kuchh asar bhī hai

vo ġham-e-firāq bhī kaT gayā vo malāl ishq bhī miT gayā
magar aaj bhī tire haath meñ vahī āstīñ hai ki tar bhī hai

na ġham-e-azāb-o-savāb se kabhī chheḌ fitrat-e-ishq ko
jo azal se mast-nigāh hai use nek-o-bad kī ḳhabar bhī hai

na kaho taġhāful-e-husn se koī kār-sāzī-e-ġham kare
ki jo aaj ġham se nikal ga.ī vo duā ḳharāb asar bhī hai

tire ġham kī umr-e-darāz meñ ka.ī inqalāb hue magar
vahī tūl-e-shām-e-'firāq' hai vahī intizār-e-sahar bhī hai

ek muddat se jo sahrā-e-masarrat thī 'salīm'
ġham ke chhūte hī vahī chashm samundar huī hai

mere hoñToñ ke mahakte hue naġhmoñ pe na jā
mere siine meñ ka.ī tarah ke ġham palte haiñ

jhāñk kar dekh mirī ruuh kī pahnā.ī meñ
kitne ġham kitne fasāne haiñ barafganda naqāb

sub.h bālīñ pe ye kahtā huā ġham-ḳhvār aayā
uTh ki fariyād-ras-e-āshiq-e-bīmār aayā

kahāñ chain tere junūñ-kār ko
ġham-e-do-jahāñ se mubarrā sahī

piyeñge yūñhī hañs ke ham zahr-e-ġham
hamāre liye roz-marra sahī

hameñ behtar hai sonā jāgne se
bhulātā hai hamārā dard-o-ġham ḳhvāb

ḳhār-zāroñ meñ jahāñ koī na thā
ban ke ham-dam tire ġham saath chale

ye duniyā to un shola sāmān logoñ ne aapas meñ taqsīm kar lī
jo hathiyār kī shakl meñ ranj-o-ġham Dhālte haiñ

ġham-o-andoh kā lashkar bhī chalā aatā hai
ek ghoḌ-dauḌ sī hai umr-e-gurezāñ ke qarīb

ajiib rāh-e-adam hai par ḳhatm har ek raahī ko hai yahī ġham
ye raaz khultā nahīñ kisī par jahāñ meñ azm-e-safar se pahle

ye tiir aisā lagā hai dil par ki dil maza us kā jāntā hai
maiñ lazzat-e-ġham se be-ḳhabar thā tumhārī tirchhī nazar se pahle

ye aarzū hai rahe vo qaa.em ki chārasāzī kā ab nahīñ ġham
ḳhalish jo mahsūs kar rahā thā jigar maiñ dard-e-jigar se pahle

rāh-e-adam meñ sair-e-charāġhāñ nazar paḌī
turbat meñ dāġh-e-ġham dil-e-nākām le gayā

abad tak saañs lene aur ġham sahne meñ lazzat hai
dayār-e-ishq meñ ghabrā ke mar jaane se kyā hāsil