Tags-Gham

rahe ham saath bhī barsoñ tire kahlā.e bhī lekin
tujhe apnā na paa.e ye ḳhalish ye ġham hai barsoñ se

ḳhushī hai ai 'vaqār' ab aur na armān-e-ḳhushī baaqī
agar kuchh hai to bas āsūdgi-e-ġham hai barsoñ se

naved-e-fasl-e-gul aate haiñ dil apnā taḌap uTThā
asīr-e-ġham haiñ varna ham bhī sair-e-gulistāñ karte

thā chup rahnā hī behtar un kī bazm-e-nāz meñ 'ājiz'
koī ġham-āshnā hotā to sharh-e-dāstāñ karte

daulat-e-ġham bhī ḳhas-o-ḳhāk-e-zamāna meñ ga.ī
tum ga.e ho to mah-o-sāl kahāñ Thahre haiñ

tū ne bhī uḌaa.ī hai hasīñ zindagī merī
tū bhī to mire ġham kī tamāshā.ī huī hai

tū agar ġham se ajnabī hai to
haal apnā bhī ab ḳharāb nahīñ

tum ne ik dāstāñ banā Daalī
ham ne to rāz-e-ġham kahā hī nahīñ

ġham-gusār is tarah se milte haiñ
jaise duniyā meñ kuchh huā hī nahīñ

yūñhī ho jaatā hai qismat se koī ġham bedār
ishq ke haath meñ tadbīr kahāñ se aa.ī

ummīd-e-sub.h-e-nau har shām-e-ġham meñ
thakan saarī miTā detī hai ab bhī

daur-e-ishrat ne sañvāre haiñ ġhazal ke gesū
fikr ke pahlū magar ġham kī badaulat aa.e

ma.āl-e-naġhma-o-mātam faroḳht hotā hai
ḳhushī ke saath yahāñ ġham faroḳht hotā hai

pahuñch pahuñch kar falak par aaheñ kareñ na anjum meñ kyuuñ izāfa
ki shaam se sub.h tak shab-e-ġham sharar-fishānī hai aur ham haiñ

bhare hue chashm-e-tar meñ aañsū jigar meñ bhaḌkī huī tap-e-ġham
ye aag hai aur ye hai paanī ye aag paanī hai aur ham haiñ

hujūm-e-ġham se masarrat kashīd karte haiñ
ki ham to zahar se amrit kashīd karte haiñ

unhoñ ne paal rakhe haiñ zamāne-bhar ke ġham
mire lahū se jo ishrat kashīd karte haiñ

aaj kī raat bahut sard bahut kaalī hai
tīrgī aise lipaTtī hai havā-e-ġham se

muskurāhaT kī bhī āḳhir asliyat khul hī ga.ī
ġham zamāne se chhupāne kā maza jaatā rahā

ka.ī ḳhafīf ġham mile malāl ban ga.e
zarā zarā sī katranoñ se thaan ban gayā