Tags-Gham

usī ġham meñ sadā rahtā huuñ hamdam
tirā jazba ināyātī nahīñ hai

qaid-e-ġham se kahīñ āzād bhī ho jān-e-hazīñ
qatl karne meñ tāmul mire jallād na kar

jazb-e-dil saath 'jamīla' kā nahīñ chhoḌegā
ġham nahīñ ḳhizr rah-e-ishq meñ imdād na kar

ragoñ talak utar aa.ī hai zulmat-e-shab-e-ġham
so ab charāġh nahīñ dil jalānā bantā hai

hai savā-neze pe sūraj kā alam
tere ġham kī sā.ebānī bhī nahīñ

dard ko dilkash banā.eñ kis tarah
dāstān-e-ġham kahānī bhī nahīñ

motiyoñ kā thā ḳhazāna mirī chashm-e-tar meñ
ġham hai dil ko inhīñ dānoñ ke bikhar jaane kā

jab huā irfāñ to ġham ārām-e-jāñ bantā gayā
soz-e-jānāñ dil meñ soz-e-dīgarāñ bantā gayā

sharh-e-ġham to muḳhtasar hotī ga.ī us ke huzūr
lafz jo muñh se na niklā dāstāñ bantā gayā

apne ġham ko hamesha bhulāyā kiye kasrat-e-kār meñ sair-e-bāzār meñ
al-ġharaz kasmapursī ke aalam meñ bhī zinda rahne kī sūrat nikaltī rahī

justujū-e-ġham-e-daurāñ ko ḳhirad niklī thī
ki junūñ ne ġham-e-jānāñ ke ḳhazīne paa.e

ḳhushī merī gavāra thī na qismat ko na duniyā ko
so maiñ kuchh ġham barā-e-ḳhātir-e-ahbāb uThā laa.ī

maut laa.ī hai payām-e-iḳhtitām-e-ranj-o-ġham
aa gayā vo vaqt ba.ad-e-intizār aa hī gayā

piine vāloñ ke kahne se ġham se chhuTkārā paane ko
pī kar bhī merī tanhā.ī māyūs o maġhmūm rahī hai

haiñ ye kāhīda ham ġham se ki juuñ sham.a
hai ek ab jeb aur dāman hamārā

yuuñ hai us kī bazm-e-tarab meñ ik dil ġham-dīda jaise
chāroñ jānib rañg-mahal haiñ beach meñ ik vīrāna hai

'mohsin'-ehsān mashaqqat kī bhī had hotī hai
tum to mar jāoge bār-e-ġham-e-dil-dār ke saath

fasl-e-bahārāñ aa jaane se kam na huā ġham ahl-e-chaman kā
shabnam ke aañsū bahte haiñ gul kā pairāhan jaltā hai

koī nahīñ ġham-ḳhvār jahāñ meñ 'yād' hamārī tanhā.ī kā
apne hī aañsū bahte haiñ apnā hī dāman jaltā hai

ḳhushī dāman-kashāñ hai dil asīr-e-ġham hai barsoñ se
hamārī zindagī kā ek hī aalam hai barsoñ se