Tags-Gham

vahī sā.at-e-ġham-e-ārzū jo hamesha dil meñ basī rahī
hai ḳhudā kā shukr ki 'āfrīñ' vo hamāre sar se to Tal ga.ī

nigār-e-shām-e-ġham maiñ tujh se ruḳhsat hone aayā huuñ
gale mil le ki yuuñ milne kī naubat phir na aa.egī

tumheñ jo dekh liyā ġham ġhalat huā apnā
tumheñ jo pā ga.e sab rañj us ghaḌī bhūle

misāl miltī hai kitnoñ kī us divāne se
chaman se duur jo baiThā ġham-e-bahār kare

ḳhudā kare ġham-e-gītī kā pech-o-tāb ai dost
kuchh aur bhī tirī zulfoñ ko tābdār kare

siine kī aag ātish-e-mahshar ho jis tarah
yuuñ maujzan hai ġham ki samundar ho jis tarah

ye hālat huī hai junūñ meñ hamārī
ḳhushī dekhte haiñ na ġham dekhte haiñ

ġham kī maarī duniyā meñ
kaun hai jo nāshād nahīñ

ye dar jo band ho to kahīñ aur uTh chaleñ
zulmat baḌhe to ātish-e-ġham tez-tar kareñ

luTne se bhī sivā thā shikast-e-yaqīñ kā ġham
shab-ḳhūñ kā ehtimāl to thā rāhzan se thā

usī ne mujh ko ġham-o-soz-e-jāvidāñ baḳhshā
vo ek chāñd kā TukḌā sā jo naqāb meñ thā

milā hai yak jahāñ ġham mujh ko terī bevafā.ī se
ye kaisā auj hai jān-e-hazīñ ko dekh le aa kar

itnī bhī hameñ bandish-e-ġham kab thī gavārā
parde meñ tirī kākul-e-pur-ḳham to nahīñ hai

ab kārgah-e-dahr meñ lagtā hai bahut dil
ai dost kahīñ ye bhī tirā ġham to nahīñ hai

kaTegī kis ummīd par zindagī
agar terā ġham bhī judā ho gayā

tū sharīk-e-zindagī hai maiñ huuñ ġham-gusār terā
terā ġham rahā hai shāmil merī har ḳhushī se pahle

tire husn kī kahānī mire ishq kā fasāna
bahut aam ho chukā hai ġham-e-āshiqī se pahle

ye matā-e-ranj-o-ġham aur shab-e-hijr kā ye 'ālam'
thā kahāñ mirā muqaddar tirī be-ruḳhī se pahle

agar ġham uThānā thā qismat meñ apnī
ḳhushī kyuuñ milī ġham uThāne se pahle

kitnā bā-zarf hai vo mere barābar vaalā
ḳhushk āñkhoñ ko diyā ġham to samundar vaalā