Tags-Gham

shādī se guzar ki ġham na hove
urdī jo na ho to dai nahīñ hai

furqat meñ tire ġham-o-alam ne
tanhā mujhe pā ke maar Daalā

koī shā.ista-o-shāyān-e-ġham-e-dil na milā
ham ne jis bazm meñ dekhā use tanhā dekhā

abhī tak aañkh ke har zāviye meñ hijr ke ġham haiñ
tumhāre ḳhvāb aate haiñ magar meñ so nahīñ saktī

dil agar kalīsā hai ġham shabīh-e-īsā hai
phuul rāhiba ban kar ruuh ne bikhere haiñ

dīvār se ruktā nahīñ dīvār kā saaya
zabt-e-ġham-e-māzī ġham-e-fardā ke liye thā

harī na ho na sahī shāḳh-e-naḳhl ġham kī 'arīb'
hamāre girya-e-paiham meñ kyuuñ kamī aa.e

ai ġham-e-shām-e-ġharībāñ ai shab-e-tār-e-alam
ahl-e-dil ko roz-o-shab taḌpā rahī hai karbalā

ye ġham mirā hai to phir ġhair se ilāqa kyā
mujhe hī apnī tamannā kā baar Dhone de

bahr-e-ġham meñ terī yādoñ kā sahārā le kar
ġham kā tūfāñ bhī mere sar se guzar jaatā hai

'ḳhusrav' safīr-e-vaqt se ġham kā mizāj pūchh
maazī kī azmatoñ kā ḳhushī kā pata na maañg

kyā huā jo sitāre chamakte nahīñ daaġh dil ke farozāñ karo dosto
sub.h-e-ishrat pareshāñ huī so huī shām-e-ġham to na vīrāñ karo dosto

nā-shanāsāoñ kī turfa ġham-ḳhvāriyāñ ġham ke māroñ kā sab se baḌā rog hai
duur ulfat kī chāragarī ho na ho pahle is dukh kā darmāñ karo dosto

piite hī rahe gardish-e-ayyām ke hāthoñ
sahbā-e-malāmat bhī ġham-e-ta.ana-zanī bhī

ab jo chāho vo karo rahm-o-karam ho ki sitam
ab nahīñ tarz-e-taġhāful kā mire ishq ko ġham

kyā sham.a ke nahīñ haiñ havā-ḳhvāh bazm meñ
ho ġham hī jāñ-gudāz to ġham-ḳhvār kyā kareñ

ḳhūn-e-dil se kisht-e-ġham ko sīñchtā rahtā huuñ maiñ
ḳhālī kāġhaz par lakīreñ khīñchtā rahtā huuñ maiñ

āsūda-e-matā-e-karam bolte nahīñ
ya.anī amīn-e-daulat-e-ġham bolte nahīñ

'in.ām' zulm-o-jaur musalsal ke bāvajūd
ham haiñ fidā-e-lazzat-e-ġham bolte nahīñ

qissa-e-ranj-o-hasrat nahīñ muḳhtasar tujh ko kyā kyā batā.egī ye chashm-e-tar
ātish-e-ġham meñ jalte haiñ qalb-o-jigar aañkh tak aa rahā hai dhuāñ yā aḳhī