Tags-Gham

uThā maiñ madrasa o ḳhānqāh se ġhamnāk
na zindagī na mohabbat na ma.arifat na nigāh

ġham dete haiñ to iztirāb na de
zindagī de magar azaab na de

lillāh mirī sozish-e-paiham ko na chheḌ
jā raah le apnī tapish-e-ġham ko na chheḌ

shab-e-ġham kabhī dar ko uTh uTh ke dekhā
kabhī un kī tasvīr se baat kar lī

tujhe ḳhabar ho to itnī na fursat-e-ġham de
ki terī yaad bhī aksar satā.ī jaatī hai

mumkin hai ġham bah nikle
nainā niir bahā kar dekh

ḳhunuk fazāoñ meñ us dasht-e-ġham ke aane tak
hamāre saath koī aur bhī safar meñ thā

ai rāñda-e-duniyā tujhe kyā ġham ki mujh aise
parvarda-e-duniyā ko bhī raas aa.ī na duniyā

hai ġham-e-dīvār us ko aur na fikr-e-pairahan
kyā farāġhat tere dīvāne ko vīrāne meñ hai

yahī dil jo ik buuñd hai bahr-e-ġham kī
Dubo degā sab shahr tūfān kar ke

kabhī jaa.e bād-e-sabā udhar to ye kahnā us kī bhī hai ḳhabar
ba-juz ek ġham ke sivā tire jise khānā piinā harām hai

tū sukūn-o-sabr miTā.e jā ġham-e-ishq mujh ko rulā.e jā
ho taḌap taḌap ke sahar mujhe yahī dard-e-dil tirā kaam hai

na qarār aa.e kisī tarah mire dard-e-dil tū taraqqī kar
shab-e-ġham taḌapte hī ho sahar shab-e-ġham taḌapne se kaam hai

chaak isī ġham se garebān kiyā hai maiñ ne
kaun kholegā tire band-e-qabā mere ba.ad

ek ġham ho to bikhar jaa.e mire chehre par
ġhair-mahdūd masā.ib haiñ ziyā kaise ho

bhalī kyuuñ lage ham ko ḳhushiyoñ kī dastak
abhī ham mohabbat kā ġham kar rahe haiñ

ġham-e-behad meñ kis ko zabt kā maqdūr hotā hai
chhalak jaatā hai paimāna agar bharpūr hotā hai

ye sa.i-e-zabt-e-ġham āñkhoñ meñ aañsū rokne vaale
safīnoñ meñ kahīñ tūfān bhī mastūr hotā hai

ai ġham-zada zabt kar ke chalnā
har gaam Thahar Thahar ke chalnā

abhī qubūl na thiiñ ye ināyateñ ham ko
abhī diloñ se ġham-e-mudda.ā nikalnā thā