Tags-Gham

kyā ye mumkin hai ki un kā fāsla ho jaa.e kam
ḳhaak ke siine pe āḳhir kab talak ye bār-e-ġham

na laboñ pe ġham kī hikāyateñ na vo be-ruḳhī kī shikāyateñ
ye itaab hai shab-e-vasl kā ki maiñ ḳhush-bayān nahīñ rahā

mahsūs ho rahā hai jo ġham merī zaat kā
sach pūchhiye to dard hai vo kā.enāt kā

buzurgoñ kī duā.eñ haiñ jo sar jhukne nahīñ detīñ
ḳhushī aur ġham vagarna kis ke bas kī baat hotī hai

gayā dev-e-ġham jalva-e-yār se
parī-zād aayā balā phir ga.ī

maqām-e-zabt ġham-e-ishq meñ vo paidā kar
ki tū ḳhushī ko na tarse tujhe ḳhushī tarse

āñsuoñ meñ bhī tirā jalva huvaidā chāhiye
ġham ke tūfānoñ meñ sirf itnā sahārā chāhiye

shām-e-ġham dī hai to ik tābāñ tasavvur de mujhe
maiñ añdherā kyā karūñ mujh ko ujālā chāhiye

dil par is tartīb se ho bārish-e-lutf-o-karam
sarḳhushī kā naqsh gahrā ġham kā halqa chāhiye

'tābish' havas-e-lazzat-e-āzār kahāñ tak
rāhat se ye ġham phir bhī mire yaar kahāñ tak

har rāste se manzil-e-hastī hai bahut duur
jā.egā mire saath ġham-e-yār kahāñ tak

ġham-e-daurāñ ġham-e-jānāñ ġham-e-jāñ ek hue
Dar rahā huuñ ye kahīñ maar na Dāleñ mujh ko

is shoḳh ke matavālo rag rag se lahū māñgo
patthar pe ġham-e-dil kī tasvīr banānī hai

palkoñ se āsmāñ ko ishāra karo kabhī
aañsū hamāre ġham kā sitāra karo kabhī

ġham meñ har lab pe vahī āh-o-bukā aatī hai
muḳhtalif saaz haiñ aur ek sadā aatī hai

un kā ġham un kā tasavvur un ke shikve ab kahāñ
ab to ye bāteñ bhī ai dil ho ga.iiñ aa.ī ga.ī

saarī duniyā ke masā.il yuuñ mujhe darpesh haiñ
terā ġham kaafī na ho jaise guzar-auqāt ko

ghaTā sham.a saañ kyuuñ na jā.ūñ chalā
tab-e-ġham jigar ko mire khā ga.ī

shām-e-ġham maiñ to chāñd huuñ us kā
mere ghar kyā samajh ke aa.ī hai

mohabbat mar ga.ī mujh ko bhī ġham hai
mire achchhe dinoñ kī āshnā thī