Tags-Gham

yārān-e-ġham-gusār dilāse tasalliyāñ
tinke the jin pe koī sahārā na kar sake

ibn-e-ādam ke ġham batāte haiñ
kaisī kohna-nafas udāsī hai

dil kā 'aḳhtar' mazār siine meñ
ġham hai gumbad kalas udāsī hai

pahle to navāzā gayā maiñ ḳhil.at-e-ġham se
phir shahriyat-e-mulk-e-vafā dī ga.ī mujh ko

karam inaad ḳhushī ġham asīr-e-māyūsī
diloñ ko detī hai duniyā bhī dāvateñ kyā kyā

ye kyuuñ samjhā.ūñ maiñ 'yāqūb' nok-e-nashtar-e-ġham ko
jo baaqī rah gayā hai ḳhūn-e-haft-andām kyā hogā

fikr-e-sūd-o-ziyāñ kī nazr hue
vo ġham-e-āshiqī vo rusvā.ī

ġham ke be-nūr guzargāhoñ meñ
ik kiran zauq-fazā hotī hai

ġham-gusār-e-safar-e-rāh-e-vafā
mizha-e-ābla-pā hotī hai

jab koī ġham nahīñ hotā 'nāsir'
bekalī dil kī sivā hotī hai

hai taqāzā-e-junūñ silsila-vār mile
ġham kī zanjīr mile dard kī jhankār mile

kabhī sāz-e-ġham se jo sar mile to maiñ raqs-gāh meñ jal uThā
mire baḳht meñ thī jo naġhmagī maiñ usī ke zer-e-asar rahā

kabhī kabhī arz-e-ġham kī ḳhātir ham ik bahānā bhī chāhte haiñ
jab āñsuoñ se bharī hoñ āñkheñ to muskurānā bhī chāhte haiñ

ġham ke tārīk ufuq par 'ābid'
kuchh sitāre sar-e-mizhgāñ guzre

aa ġham-e-dost usī moḌ pe ho jā.ūñ judā
jo mujhe merā hī rahne de na terā rakkhe

apne bas kā nahīñ bār-e-sañg-e-sitam
bār-e-sañg-e-sitam, bār-e-kohsār-e-ġham

tirā hī aks sarishk-e-ġham-e-zamāna meñ thā
nigāh meñ tirī tasvīr sī utar aa.ī

kisī kī mahfil kā naġhma-e-nai moharrik-e-nāla o fuġhāñ hai
fasāna-e-aish sun rahā huuñ fasāna-e-ġham sunā rahā huuñ

munavvar ho ke kitnī dāstān-e-āshiqī aa.ī
jahāñ tak zikr-e-ġham aayā nazar meñ raushnī aa.ī

ye jān-e-āshiqī hai is ko kis dil se judā kar duuñ
na jaane kitne ġham sah kar to mujh tak bekasī aa.ī