Tags-Gham

aadat burī hai ġham meñ sahāroñ kī dosto
tanhā sulagte rahne kā apnā maza bhī hai

kaisī taqdīr kī gardish ġham-e-dil ko maiñ ne
gardish-e-gumbad-e-aflāk pe de maarā hai

din-rāt paḌā rahtā huuñ darvāze pe apne
is ġham meñ ki koī kabhī aatā thā idhar se

ḳhunuk havā shaam kī kahānī na.ī na.ī sī
purāne ġham phir mohabbatoñ bhar na.e na.e se

ġham-e-pinhāñ nazar aatā hai mujhe dushman-e-jāñ
haa.e ye dard ki jis kā koī darmāñ bhī nahīñ

garche aalam meñ har koī terā
āshiq-e-ġham-gusār hovegā

jhaaḌ kar gard-e-ġham-e-hastī ko uḌ jā.ūñgā maiñ
be-ḳhabar aisī bhī ik parvāz aatī hai mujhe

tere ishq kā bojh uThā kar zinda huuñ maiñ
ya.anī terā ġham bhī uThāyā jā saktā hai

maut ko kahiye ilāj-e-ġham-e-hastī lekin
zindagī kaun se jurmoñ kī sazā Thahrī hai

vo shab-e-dard-o-soz-o-ġham kahte haiñ zindagī jise
us kī sahar hai tū ki maiñ us kī azaañ hai tū ki maiñ

hayāt ab shām-e-ġham kī tashbīh ḳhud banegī
tumhārī zulfoñ kā isti.āra nahīñ chalegā

'mus.hafī' ġham meñ us sahī qad ke
suukh kar ho gayā hai sarkañDā

ma.āl-e-kār-e-jahān-e-fānī kabhī nahīñ ek qā.ede par
jo chaar din hai vufūr-e-rāhat to ba.ad is ke ġham-o-alam hai

maiñ āḳhirī partav huuñ kisī ġham ke ufuq par
ik zard tamāshe meñ huā jaatā huuñ tahlīl

kitne bhī ġham-zada hoñ magar muskurā.eñge
va.ada jo kar liyā hai ki aañsū na ā.eñge

ġham nahīñ be-shak bikhar jaa.e kisī din TuuT kar
jhuuT ke aage na sar hargiz jhukā.e aa.ina

dekh ye kartā hai ġham kī lazzateñ ham par harām
ho samajh kar āshnā ai naala Tuk tāsīr se

kuchh der kisī zulf ke saa.e meñ Thahar jaa.eñ
'qābil' ġham-e-daurāñ kī abhī dhuup kaḌī hai

ab kise yaarā hai zabt-e-nāla-o-faryād kā
bhar gayā hai ġham se paimāna dil-e-nāshād kā

dekh ibrat kī nazar se ġham ke dāġhoñ kī bahār
safā-e-dil hai muraqqa.a gulshan-e-ījād kā