Tags-Ghamand

us shān-e-ājizī ke fidā jis ne 'ārzū'
har naaz har ġhurūr ke qābil banā diyā

ġhurūr-e-sarv-o-saman se kah do ki phir vahī tājdār hoñge
jo ḳhār-o-ḳhas vālī-e-chaman the urūj-e-sarv-o-suman se pahle

use darāzi-e-qad par bahut ġhurūr huā
sunā hai us meñ bhī pahlū husūl-e-shohrat thā

merā vajūd paanī huā miTTī aur aag
bikhrī huī anā huuñ sulagtā ġhurūr huuñ

kabhī hayā unheñ aa.ī kabhī ġhurūr aayā
hamāre kaam meñ sau sau tarah futūr aayā

ġhurūr-e-husn ko bātil samajh kar
sarāpā ishq ban jaayā kareñge

gunahgār na ban us ko bad-duā de kar
ġhurūr us kā use ḳhud hī maar Dālegā

ġhurūr-e-vaqt se nashsha huā sivā 'sābir'
mirī anā thī purānī sharāb kī sūrat

baḌā ġhurūr thā apnī chamak-damak pe use
sunār ne jo tapāyā utar gayā paanī

kal tak jo dil ġhurūr-e-jalāl-o-jamāl thā
aaj un ke rāste meñ paḌā pā.emāl thā

sarmāya-e-hayāt huā chāhtā hai ḳhatm
jis par ġhurūr thā vahī daulat nahīñ rahī

ġhurūr-e-ishq ġhurūr-e-vafā ġhurūr-e-nazar
'surūr' tere gunāhoñ kā kuchh shumār bhī hai

jin safīnoñ ne kabhī toḌā thā maujoñ kā ġhurūr
us jagah Duube jahāñ dariyā meñ tuġhyānī na thī

zamīñ pe TuuT ke kaise girā ġhurūr us kā
abhī abhī to use āsmāñ pe dekhā thā

vafādārī ġhurūr-e-be-ruḳhī ko ḳhatm kar degī
ziyāda to nahīñ kuchh din raheñ vo bad-gumāñ shāyad

pahāḌ hone kā saarā ġhurūr kaañp uThā
bas ik zarā sī tajallī se tuur kaañp uThā

ġhurūr-e-hikmat-o-dānish meñ jhūmne vaalo
kuchh ahl-e-dil bhī isī ḳhāk-dāñ meñ rahte haiñ

toḌ detī hai zarā-bhar meñ charāġhoñ kā ġhurūr
ai havā dekh chuke haiñ tire jalve ham log

jinheñ ġhurūr havāoñ pe thā vo ḳhaar hue
vo sar-buland rahā jo tirī panāh meñ thā

mizāj meñ thā takabbur to harkatoñ meñ ġhurūr
phir aise shaḳhs ko ham bhī salām kyā karte