Tags-Ghamand

isī ġhurūr meñ 'dānā' saroñ se chhat bhī ga.ī
tire makān se merā makān ūñchā hai

chehre pe ḳhushī chhā jaatī hai āñkhoñ meñ surūr aa jaatā hai
jab tum mujhe apnā kahte ho apne pe ġhurūr aa jaatā hai

baḌe ġhurūr se kī hai zamīr ne tauba
jo tū mile kabhī tanhā to phir ḳhatā kar leñ

ġhurūr-e-husn ai nigār kab tak chaman ke uupar bahār kab tak
rahoge zeb-e-kanār kab tak ḳhizāñ har ik gul ko tak rahī hai

ba-īñ ḳhud-sarī vo ġhurūr-e-mohabbat
unheñ sajda karne ko jī chāhtā hai

jise dushmanī pe ġhurūr thā use dostī se shikast dī
jo dhaḌak rahe the alag alag unheñ do diloñ ko milā diyā

adhūrī jins
ka.ī sadiyoñ se ġhurūr ādamiyat aur hayā nisvāniyat ke darmiyān

na jaane kitne sar-e-pur-ġhurūr kaTte haiñ
ajiib shaḳhs hai talvār ban ke chaltā hai

tujh ko ġhurūr-e-zohd hai sharm-e-gunah mujhe
zāhid kise ḳhabar ki ḳhudā ko ho kyā pasand

dekho kyā ho ki vaañ hai nāz-e-ġhurūr
maiñ ye ahvāl-e-ḳhasta huuñ yārab

bahut ġhurūr thā hosh-o-havās par lekin
nazar jab un se milī hai to hosh aayā hai

ḳhud par āḳhir ġhurūr kyuuñ na karūñ
us ke har ḳhvāb ne chunā hai mujhe

ġhurūr-e-husn se koī umiid mat karnā
ḳhatā.eñ karnā to ḳhud hī muaaf ho jaanā

tirā ġhurūr-e-ibādat tujhe na le Duube
sunā hai paḌhtā thā iblīs bhī namāz bahut

jis sar ko ġhurūr aaj hai yaañ tāj-varī kā
kal us pe yahīñ shor hai phir nauhagarī kā

jhukne denā na kisī peḌ kī shāḳhoñ kā ġhurūr
Dhalte sūraj se zarā sī to muravvat karnā

mire harīfoñ ke dam-ḳham meñ ho kamī to unheñ
mire ġhurūr se taufīq-e-istifāda de

vo chal diyā to nigāhoñ se ki diloñ se ġhurūr
laboñ se zahr havāoñ se tāziyāna gayā

zarā naqāb-e-hasīñ ruḳh se tum ulaT denā
ham apne dīda-o-dil kā ġhurūr dekheñge

merā beTā to hai ġhurūr mirā
shaan merā hai vo shu.ūr mirā