Tags-Ghamand

jahān-e-girya-e-shabnam se kis ġhurūr ke saath
guzar rahe haiñ tabassum-kunāñ gulāb ke phuul

agar ġhurūr hai aadā ko apnī kasrat par
to is hayāt ko ham bhī habāb samjhe haiñ

vaqt us se chhīn legā ḳhud-pasandī kā ġhurūr
haañ yaqīnan vo ḳhudā ban kar bahut pachhtā.egā

ġhurūr-e-husn na kar jazba-e-zuleḳhā dekh
kiyā hai ishq ne yūsuf ġhulām āshiq kā

mirī chāhatoñ meñ ġhurūr ho dil-e-nā-tavāñ meñ surūr ho
tumheñ ab ke khānā hai vo qasam ki fareb meñ bhī yaqīn ho

zarre kī tarah ḳhaak meñ pāmāl ho ga.e
vo jin kā āsmāñ pe sar-e-pur-ġhurūr thā

nazar ko hāmil-e-barq-e-jamāl kar na sakā
ġhurūr-e-husn ko maiñ pā.emāl kar na sakā

jis pe tujh ko ġhurūr hai vo dil
kho gayā gar yahīñ kahīñ to phir

zarre kī tarah ḳhaak meñ pāmāl ho ga.e
vo jin kā āsmāñ pe sar-e-pur-ġhurūr thā

taraqqiyoñ ko tasalsul hai inkisārī meñ
ġhurūr aayā ki bas aadmī ko le Duubā

uTh uTh ke baiTh baiTh ke kartā hai kyuuñ ġhurūr
zāhid kahīñ baḌhā.e na terī riyā namāz

shaitān ban gayā hai farishta ġhurūr se
kyā fā.eda huā jo paḌhī jā-ba-jā namāz

hasīnoñ ko hī zebā husn-e-sūrat par ġhurūr apne
har ik arbāb-e-daulat ko ra.ūnat aa hī jaatī hai

mai-e-shabāb-o-ġhurūr-e-shabāb kyā kahnā
bas ek ghūñT meñ turkī tamām hotī hai

yuuñ to rotā hai har ik shaḳhs hijr-e-yār meñ 'tānī'
ġhurūr apnā hai jo ab aaheñ bharne bhī nahīñ detā

koī ġhurūr meñ elān-e-ḳhud-sarī kar le
ḳhudā ke sāmne āḳhir ko sar jhukegā hī

nahīñ ḳhayāl meñ laate vo saltanat jam kī
ġhurūr hai jinheñ dar kī tire gadā.ī kā

mujhe to Dho ke thā zāhid par ik nigāh se aaj
ġhurūr kyā huā vo terī pārsā.ī kā

aariz pe tere merī mohabbat kī surḳhiyāñ
merī jabīñ pe terī vafā kā ġhurūr hai

na ho girā ke mujhe tū bhī ḳhaak meñ mil jaa.e
mujhe gale se lagā le tirā ġhurūr huuñ maiñ