Tags-Ghamand

mirā ġhurūr-e-mohabbat ki maiñ nahīñ samjhā
tirī nazar ne kahā thā ki dilrubā huuñ maiñ

āj-kal husn-e-javānī pe jo hai un ko ġhurūr
naaz kahtā hai ki andāz se bāhar maiñ huuñ

vo kah rahā thā mujhe naaz apne ijz pe hai
ajab tarah kā ġhurūr us ke inkisār meñ thā

ye husn faanī hai merī jaañ ye javāniyoñ pe ġhurūr kaisā
jahāñ chaḌhā mehr-e-nīm-rozī usī jagah vaqt-e-shām aayā

haañ nahīñ 'sīmāb' mujh ko apnī hastī par ġhurūr
jāntā huuñ maiñ mirī duniyā fanā-anjām hai

allāh allāh ye taġhāful aur is par ye ġhurūr
kyā mujhe nākām kar denā bhī koī kaam hai

maiñ kyā kahūñ faqīroñ ko jo kuchh ġhurūr thā
ik ik gadā-e-shahr thā dārā-e-lucknow

na sunā thā kisū ne ye to ġhurūr
sabhī dilbar jamāl rakhte the

kyā khīñche hai ḳhud ko duur allāh
allāh-re tirā ġhurūr allāh

kabhī ġhurūr kabhī be-ruḳhī kabhī nafrat
shabīh-e-josh-e-mohabbat badaltī rahtī hai

sahrā ke sar kī maañg hai ab tak vo ik lakīr
hāsil jise ġhurūr tirī rahguzar kā thā

sar-e-rāh siina nikāltā huā aayā thā jo vo ḳhush-nigāh
dil-ishq-ḳhū ko vo par ġhurūr lagā na ho kahīñ yuuñ na ho

vahī ki jis meñ ġhurūr-e-shahī milāyā gayā
mirā ḳhamīr usī ḳhaak se uThāyā gayā

bahut ġhurūr hai tujh ko ai sar-phire tūfāñ
mujhe bhī zid hai ki dariyā ko paar karnā hai

ġhurūr-e-zohd se rañj-e-gunāh behtar thā
ḳharāb shaġhl sharāb-o-subū meñ achchhe the

jab un ke pā-e-nāz kī Thokar meñ aa.egā
kitnā ġhurūr raah ke patthar meñ aa.egā

shaguftagī-e-chaman par bahut ġhurūr na kar
ḳhizāñ kā daur tujhe bad-havās kar degā

TuuT jā.egā ġhurūr-e-bahr-e-nā-paidā-kanār
is tarah biphrī huī maujoñ se Takrā.eñge ham

'nayyar' ko le chalī thī jo shahr-e-ġhurūr meñ
ham ne vo rahguzār-e-ḳhurāfāt kaaT dī