Collections

Lab Shayari

Motivational Ghazals

Best Khamoshi Shayari

More Collections

Tags-Gulshan

ik gul ke murjhāne par kyā gulshan meñ kohrām machā
ik chehra kumhlā jaane se kitne dil nāshād hue

ab ke baras dastur-e-sitam mein kya kya bab izad hue

khul rahā thā rū-ba-rū jannat ke gulshan kā chaman
nāznīn mahbūb goyā huur aur ġhilmān the

kya kahin duniya mein hum insan ya haiwan the

gulshan-e-hastī meñ insāñ kī nahīñ kuchh zindagī
jo huā paidā misāl-e-qatra-e-shabnam huā

qulzum-e-ulfat mein wo tufan ka aalam hua

shaffāf bhī rakhnā hai gulshan kī fazāoñ ko
har barg-e-gul-e-tar ko talvār bhī karnā hai

har talKH haqiqat ka izhaar bhi karna hai

bāġhbāñ gulshan ke darvāze ko kyā rakhtā hai band
kaun ġhunche kī kulah gul kī qabā le jā.egā

fart-e-shauq us but ke kuche mein laga le jaega

ham ne saara gulshan jalte dekhā hai
tum se ek gulāb nahīñ dekhā jaatā

KHwabon ka sailab nahin dekha jata

dekh kar phūloñ ko añgāroñ pe loTūñ ai gul
be-tere gulshan-e-firdaus jahannam ho jaa.e

jab ayan subh ko wo nur-e-mujassam ho jae

gulshan meñ kaun bulbul-e-nālāñ ko de panāh
gulchīñ o bāġhbāñ bhī haiñ sayyād kī taraf

gulshan mein kaun bulbul-e-nalan ko de panah

raat kī vaadī meñ saarī raunaqeñ ābād haiñ
din ke vīrāne meñ bhī ik gulshan-e-shab chāhiye

yaad ke tyauhaar mein wasl-o-wafa sab chahiye

ye phuul jo gulshan meñ tar-o-tāza khile haiñ
patjhaḌ kī havāoñ se bikhar jā.eñge ik din

haalat ki masnad se utar jaenge ek din

bāġhbāñ kī ik zarā sī laġhzish-e-tartīb se
mausam-e-gul thā magar gulshan meñ ra.anā.ī na thī

koi dil-jui nahin thi koi shunawai na thi

kyā qarīne se gul haiñ gulshan meñ
rañg uḌāyā kisī ke mahfil kā

faisla kya ho jaan-e-bismil ka

is gulshan-e-hastī kā har rañg nirālā hai
jab rone lagī shabnam phūloñ ko hañsī aa.ī

KHalwat mein KHayalon ki ye anjuman-arai

kyā ho gayā gulshan ko sākit hai fazā kaisī
sab shāḳh o shajar chup haiñ hiltā nahīñ pattā bhī

be-faiz ajab nikli ye fasl-e-tamanna bhi

ab ye baat aur ki zindāñ meñ bhī zanjīreñ haiñ
ham ko gulshan kī balāoñ se bachāyā to gayā

dil ke har zaKHm ko palkon pe sajaya to gaya

āshiyāñ par karam-e-barq-e-tapāñ hai ab bhī
dekho gulshan kī fazāoñ meñ dhuāñ hai ab bhī

aashiyan par karam-e-barq-e-tapan hai ab bhi

hai misāl-e-bād-e-gulshan jāgnā us shoḳh kā
rañg jaise duur kā rañgoñ ke pīchhe jāgtā

din agar chaDhta udhar se main idhar se jagta

ashk-e-rañgīñ ne jo apne kar diyā yaañ farsh-e-gul
rashk-e-sad-gulshan hameñ ye gosha-e-zindāñ huā

nala-e-mauzun se misra aah ka chaspan hua

kahte haiñ 'sabā' chāñdnī gulshan kī na dekhe
us shaḳhs ko arbāb-e-gulistāñ se gila hai

is rang mein apne dil-e-nadan se gila hai

log kahte haiñ ki gulshan meñ bahār aa.ī hai
bū-e-gul phir bhī pareshāñ hai ise kyā kahiye

aql har baat pe hairan hai ise kya kahiye