Tags-Gulshan

na the tujh se nāzuk mayānā-e-gulshan
bahut to kamar jaise mū thī kasū kī

gulshan meñ aa.ī pairahan-e-rañg ban ga.ī
vo mauj-e-ḳhūñ ki chehra-kushā thī hinā ke saath

ye kis ke gesū se maañg laa.ī nasīm nik.hat sahar se pahle
fazā-e-gulshan udaas sī thī shamīm-e-ambar-asar se pahle

jo ġhaflat-e-āzādī-e-gulshan meñ kaTegī
us raat kī zindāñ meñ sahar ho ke rahegī

bahut maiñ ne bhī kī haiñ dīda-e-pur-ḳhūñ kī tafsīreñ
magar ye dāman-e-tar kyā karūñ gulshan nahīñ bantā

kis vaj.h uThe vo muñh se ye dil
gulshan se hazār kyūñke jaave

hairāñ hue bas-ki muñh terā dekh
gulshan se bahār kyūñke jaave

murjhā.e phuul sab haiñ kaliyoñ ne sar jhukā.e
gulshan meñ ik sitam hai ye terī be-naqābī

ek ġhalat-andāz nazar se gulshan gulshan daaġh jaleñ
shabnam shabnam rulvāne ko ek hī jumla kaafī hai

sub.h nahīñ be-vaj.h jalā.e laale ne gulshan meñ charāġh
dekh ruḳh-e-gulnār-e-sanam niklā hai vo laala phūloñ kā

mausam-e-gul hai josh-e-mastī hai
laa.e gulshan meñ barg-o-bār daraḳht

saf-ba-saf haiñ khaḌe jo gulshan meñ
kab se bāñdhe hue qatār daraḳht

gulshan-e-ishq kā tamāshā dekh
sar-e-mansūr phal hai daar daraḳht

dāman-e-yār us se uljhegā
ho na gulshan meñ ḳhār-dār daraḳht

ye ġhuncha ġhuncha siyāh bhañvre kī bosa-ḳhvāhī
savād-e-gulshan meñ ham-nivāla kahāñ se aayā

phir laa.ī hai barsāt tirī yaad kā mausam
gulshan meñ nayā phuul khilā dekh rahā huuñ

jin ko har hālat meñ ḳhush aur shādmāñ paatā huuñ maiñ
un ke gulshan meñ bahār-e-be-ḳhizāñ paatā huuñ maiñ

muskurātā hai hasīñ parda-e-gulshan meñ koī
aur kalī muft meñ badnām huī jaatī hai

raunaq gulshan jo vo riñd-e-sharābī ho gayā
phuul sāġhar ban gayā ġhuncha gulābī ho gayā

sunā.ī dī hai kahīñ kyā ḳhizāñ ke pānoñ kī chaap
ki phuul aaj haiñ gulshan meñ sahme sahme se