Tags-Gulshan

rañg kyuuñ uḌ gayā gulshan ke havā-dāroñ kā
garm jhoñkā koī is raah se guzrā bhī nahīñ

maiñ kabhī tere darīche meñ khilā phuul bhī thā
aaj kyā huuñ tire gulshan kī havā jaane hai

gulshan-e-dil meñ kahāñ 'aḳhtar' vo rañg-e-nau-bahār
ārzūeñ chand kaliyāñ thiiñ pareshāñ ho ga.iiñ

sozāñ na ye chaman ho mire nūr-e-āh se
o gulshan-e-jamāl kā jalva liye hue

luTā hai gulshan meñ āshiyāna kahīñ hamārā nahīñ Thikānā
qafas se chhuT kar bhaḌak rahe haiñ ki tinke chunane kidhar ko chaliye

gulshan meñ havā se jo khulā yaar kā siina
hasrat se gayā phaT gul-o-gulzār kā siina

jalva-farmā vo gul hai gulshan meñ
har ravish par lage hue haiñ ThaT

phir gulshan-e-jannat kī na ho aarzū us ko
maskan hai agar kūcha-e-jānāna kisī kā

aaj kī shab lutf hai sair-e-chaman ai andalīb
roġhan-e-gul se huā hai har gul-e-gulshan charāġh

ye jo mahak gulshan gulshan hai ye jo chamak aalam aalam hai
marxism hai marxism hai marxism hai marxism hai

guloñ ke saath ajal ke payām bhī aa.e
bahār aa.ī to gulshan meñ daam bhī aa.e

itne patte bhī na hoñge gulshan-e-firdaus meñ
jis qadar phūloñ ke haiñ ambār qiasar-bāġh meñ

bū-e-gul khīñche na gulshan meñ gul-e-tar khīñche
shauq-e-dīdār tirā ham ko hai dar dar khīñche

sehn-e-gulshan kī sham-e-bazm hai barq
naujavānī kī hai bahār balā

khileñgī kis kī tamannā.eñ sahn-e-gulshan meñ
nasīb aa.egā vo mausam-e-bahār kise

maalī udaas hai na ye gulshan udaas hai
āñdhī meñ sirf ek nasheman udaas hai

sair-e-gulshan ko ga.e the jab aap
yaad to kījiye ham bhī to na the

kyā ḳhabar ham bad-nasīboñ ko hai kyā shai-e-bahār
ham ne to gulshan ko dekhā hai ujaḌ jaane ke ba.ad

gulshan meñ baḌe zor kā tūfān uThā hai
jab bhī koī phūloñ kā nigahbān uThā hai