Tags-Gulshan

kis meñ tāqat hai ki gulshan meñ muqayyad kar le
is qadar duur se aa.ī huī purvā.ī ko

tere nāzuk lab haiñ goyā mausam kā mauzū-e-suḳhan
gulshan gulshan shohra hai shādābī kā ra.anā.ī kā

tujh se ye uqda khulegā ai nasīm-e-sub.h-dam
ġhunche kī mānind is gulshan meñ kyuuñ dil-gīr huuñ

na gul kī koī ḳhabar hai na baat gulshan kī
ḳhafā sī lagtī hai kuchh roz se sabā mujh se

phir to DhūñDā bhī nahīñ miltā koī murġh-e-chaman
ghar agar sayyād kā hotā kisī gulshan ke paas

terī ye zulfeñ nahīñ tere ruḳh-e-raushan ke paas
abr ke do TukḌe uTh kar aa.e haiñ gulshan ke paas

vahī gulshan hai lekin vaqt kī parvāz to dekho
koī taa.ir nahīñ pichhle baras ke āshiyānoñ meñ

taar dāman ke uḌe ishq ko me.arāj milī
zeb-e-gulshan huā gul chāk-garebāñ ho kar

ik ik kar ke sab panchhī dam toḌ ga.e
bharī bahār meñ bhī gulshan vīrāna hai

gulshan meñ bahsne ko tumhāre dahan ke saath
kholā thā muñh ko kaliyoñ ne par kuchh na boliyāñ

ai gul-e-gulshan-e-vafā be-tire niiñd aa.e kyā
bistar-e-ḳhār se sivā mujh ko hai farsh-e-maḳhmalī

'habīb' ham ham-safīr-e-bulbul hamesha the gulshan-e-jahāñ meñ
vafā kī ḳhū bū ho jis meñ vo gul nazar na aayā hazār dekhā

pahle jaisā nahīñ māhaul rahā gulshan kā
ruḳh badal ab to havāoñ ke zamāne badle

daur āzādī-e-gulshan kā bahut yaad aayā
mere hisse ke jo sayyād ne daane badle

bhikshū-dānī, pyāsā pānī, dariyā sāgar, jal gāgar
gulshan ḳhushbū, koyal kūkū, mastī dārū, maiñ aur tū

chaman kā lutf khotā hai chaman meñ ajnabī honā
ḳhizāñ bhī apne gulshan kī bhalī ma.alūm hotī hai

ai gulshan ke rahne vaalo meñ tum ko kyā yaad karūñgā
phuul nahīñ to kāñTe bhar do jholī phailā.e baiThā huuñ

sohbat-e-pīr-e-rūm se mujh pe huā ye raaz faash
laakh hakīm sar-ba-jeb ek kalīm sar-ba-kaf

is naġhma-tarāz-e-gulshan ne toḌā hai kuchh aisā sāz-e-dil
ik taar kahīñ se TuuT gayā ik taar kahīñ se TuuT gayā

maiñ aur kuchh nahīñ kahtā magar chaman vaalo
bahār aatī to gulshan sañvar ga.e hote