Tags-Gulshan

ham hañse to āñkhoñ meñ tairne lagī shabnam
tum hañse to gulshan ne tum pe phuul barsā.e

ab laakh ḳhizāoñ kā mausam bhī kuchh na guloñ kā kar paa.e
ham ḳhūn-e-jigar se gulshan kā har rañg nikhārā karte haiñ

sehn-e-gulshan meñ bahāroñ kā nishāñ tak bhī nahīñ
ḳhaak uḌtī hai faqat gardish-e-ayyām ke ba.ad

phuul ko hairat-zada sā dekh kar
har kalī gulshan meñ hairāñ ho ga.ī

dāman se gul-e-tāza mahakte nikle
gulshan se murġh-e-gul chahakte nikle

gulshan meñ ḳhizāñ ab aa pahuñchī mai-ḳhāne meñ jī kyuuñ kar bahle
vo rañg nahīñ vo lutf nahīñ vo daur nahīñ vo jaam nahīñ

ḳhushī ahl-e-gulshan ko ye sun ke hogī
masarrat ke naġhme sunāne chalā huuñ

phūloñ kā tabassum bhī vo pahlā sā nahīñ hai
gulshan meñ bhī chaltī hai havā aur tarah kī

sochiye is par bhī jo fursat mile to baiTh kar
kyā huā vīrān kyuuñ gulshan hamārā ho gayā

fazā-e-gulshan-e-hastī pe chhā rahā huuñ maiñ
tire karam kā karishma dikhā rahā huuñ maiñ

'sirāj' ab aish ke gulshan kā paanī
malāmat hai malāmat hai malāmat

nā-tavānī mirī gulshan meñ ye hī bahse hai
dekheñ ai nik.hat-e-gul ham haiñ subuk-bār ki tū

rañg kā haala ḳhushbū kā ik jhoñkā kuchh to mile
kab se haiñ āvāra-e-gulshan chāñd havā aur maiñ

gulshan meñ le ke chal kisī sahrā meñ le ke chal
ai dil magar sukūn kī duniyā meñ le ke chal

rañg-rūp kī lau bhī nazar us bhed ko kyā jaane
ruup aayā hai gulshan par yā gulshan jaltā hai

sho.ala-e-barq se gulshan ko bachāne ke liye
maiñ ne har aag ko siine meñ chhupānā chāhā

intiḳhāb-e-ahl-e-gulshan par bahut rotā hai dil
dekh kar zāġh-o-zaġhan ko ḳhushnavāoñ kī jagah

kyā gila tujh se ki gulshan kā muqaddar hai yahī
abr ghir kar jab bhī aayā aag hī barsā gayā

ḳhabar le bāġhbāñ hai kis ġhazab kā habs gulshan meñ
havā hai band asīrān-e-qafas kā dam rukā hogā

ġharīboñ ke āñgan haiñ sab se baḌe
ye duniyā ke gulshan haiñ sab se baḌe