Tags-Gulshan

apne gulshan ko vo dozaḳh na samajhtā shāyad
yak gosha bhī jo firdaus-numā ho jaatā

nik.hat-e-gul se bas gayā gulshan
ġhuncha kyā chaTke itr-dāñ TuuTe

'figār' is gulshan-e-hastī kā ibrat-ḳhez aalam hai
ki shabnam ro rahī hai gul kā hañsnā kam nahīñ hotā

bāhar hoñ apne jaame se gul bulbuleñ to kyā
gulshan meñ imtihān ko poshāk utaar dekh

gulshan meñ chal ai sarv-e-sahī sair kī ḳhātir
tujh vāste le gul tabaq-e-naqd-e-zar aayā

tum ne khole chaman meñ band-e-qabā
baal parvāz-e-rañg-e-gulshan hai

Thokar se apne paañv ke gulshan meñ ḳhush-qadāñ
sad fitna-hā-e-ḳhufta jagā kar chale ga.e

bel-būTe aur har shāḳh-o-shajar
gulshan-e-hastī kā har barg-o-samar

patte patte kā nahīñ gulshan-e-ālam meñ javāb
zarre zarre meñ dhaḌaktā hai dil-e-yaktā.ī

gulshan jo thā ḳhulūs kā yaksar jhulas gayā
jab nafratoñ ke sho.ale bujhā.e na jā sake

be-barg-o-bār ho gayā imroz kā shajar
mujh se matā-e-gulshan-e-fardā bhī chhīn le

gulshan talak meñ zahr ta.assub kā ghul gayā
kal phuul bhī milā thā mujhe gun liye hue

tumhāre husn ke gulshan meñ pyāre kuchh na chhoḌūñgā
raqīboñ ke sar uupar chaḌh ke toḌūñgā ye phal pahlā

nāzir-e-gul pāsbān-e-rañg-o-bū gulshan-panāh
nāz-parvar lahlahātī khetiyoñ kā bādshāh

kaun hal zulmat-shikan qindīl-e-bazm-e-āb-o-gil
qasr-e-gulshan kā darīcha sīna-e-gītī kā dil

rañg-e-gulshan dam-e-bahār na pūchh
vahshat-e-qalb-e-be-qarār na pūchh

rūh-e-bulbul ne ḳhizāñ ban ke ujāḌā gulshan
phuul kahte rahe ham phuul haiñ sayyād nahīñ

tumhāre kamre meñ gulshan kā rañg-rūp milā
yahāñ to mez pe phūloñ ke saath ḳhaar bhī hai

ye ḳhushk be-rañg ḳhaar fāzil mire liye haiñ guloñ se behtar
mirī nazar meñ mirā bayābāñ kisī ke gulshan se kam nahīñ hai