Tags-Gulshan

sān-e-gulshan-e-iram maiñ ne kahā ki haa.e haa.e
dar pe us anjuman se duur qatl mujhe kiyā ki yuuñ

mahzūz ham bhī hoñge jo fursat kahīñ mile
gulshan bhī hai gulāb bhī rañg-e-bahār bhī

sehn-e-gulshan meñ mahakte hue phūloñ kī qatār
tere ḳhat se koī tahrīr nikal aa.ī hai

yuuñ garebāñ-chāk duniyā meñ nahīñ hotā koī
har khulā gulshan shahīd-e-gardish-e-ayyām thā

vo mere dil ke gulshan meñ agar aa jaa.e ai 'jauhar'
to har ik nā-shagufta ġhuncha rañg-o-nūr ho jaa.e

ahl-e-gulshan kī ḳhasta-hālī se
sāzish-e-bāġhbāñ kā rishta hai

zard mausam meñ bhī ik shāḳh harī rahtī hai
dil ke gulshan meñ koī sabz parī rahtī hai

ek khiltā huā gulshan hai tumhārā paikar
tum tabassum hī tabassum ho tumhārā kyā hai

gul tujhe dekh ke gulshan meñ kaheñ umr darāz
shāḳh ke badle vahīñ dast-e-duā paidā ho

mirī nazar meñ yaqīnan vo nañg-e-gulshan hai
amīn-e-rāz-e-chaman jo kalī nahīñ hotī

gulshan-e-ishq huuñ ḳhizāñ merī
vaj.h-e-rañgīnī-e-bahār bhī hai

agar rahnā hai gulshan meñ to apne āshiyāne kī
kabhī taḳhrīb bhī hogī kabhī ta.amīr bhī hogī

bahār aa.egī gulshan meñ to dār-o-gīr bhī hogī
jahāñ ahl-e-junūñ hoñge vahāñ zanjīr bhī hogī

hakīm-e-vaqt huuñ maiñ hī agar gulshan se uTh jā.ūñ
to phir ai bāġhbāñ nabz-e-bahārāñ kaun dekhegā

kise gulshan se itnā ishq hai merī tarah gulchīñ
qafas meñ rakh ke tasvīr-e-gulistāñ kaun dekhegā

aur gul hoñge khule dahr meñ 'zīshān' magar
apne gulshan se bhare jī to maiñ bāhar dekhūñ

dekh aariz ko tere gulshan meñ
saikḌoñ rañg gul badalte haiñ

do lafz bayāñ kar dete haiñ ik umr kā apnī afsāna
vo chhoḌ ke gulshan aa na sakā ham chhoḌ ke sahrā jā na sake

udaas dil ho to gulshan bhī aah bhartā hai
ye sach hai rote hue dil se muskurā.ūñgī

ḳhizāñ-rasīda hai gulshan ye qalb-e-muztar kā
kahīñ ujaḌ hī na jaa.e ḳhushī kī bārish ho