Tags-Gulshan

tū gulshan meñ rah gul ye kahtā thā us se
tire dam se merī sabā zindagī hai

bulbul ne to afsāna apnā hī sunāyā thā
gulshan kī kahānī to phūloñ kī zabānī thī

ai bulbulo chaman meñ na jaao ga.ī bahār
gulshan meñ ḳhār-o-ḳhas ke sivā kuchh rahā nahīñ

sehn-e-gulshan meñ sarāsīmgī kaisī hai 'nabīl'
ahl-e-gulshan meñ koī dasht-nashīñ aa gayā hai

abhī na gulshan-e-urdu ko be-charāġh kaho
khile hue haiñ abhī chand phuul shāḳhoñ par

ai rashk-e-nasīm-e-saharī kyuuñ hai mukaddar
gulshan meñ tujhe dekhte haiñ chīñ-ba-jabīñ ham

chhuTte haiñ jo asīrān-e-qafas gulshan meñ
kyā hī par shauq se phailā ke chale aate haiñ

sayyād ne bichhāyā gulshan meñ dām-o-dāna
sun gul-ezār vaale o ḳhatt-o-ḳhāl vaale

naḳhl-e-hayāt apnā gulshan meñ bāġhbāñ ne
boyā to thā havas kar lekin na paal aayā

guloñ meñ rañg bhare bād-e-nau-bahār chale
chale bhī aao ki gulshan kā kārobār chale

ham giraftāroñ ko ab kyā kaam hai gulshan se lek
jī nikal jaatā hai jab sunte haiñ aatī hai bahār

ārām apne bas kā hai bas maiñ nahīñ hai kiyā
gulshan meñ kyā dharā hai qafas meñ nahīñ hai kyā

gulshan meñ aa ke tum to ajab haal kar ga.e
bhūle hue haiñ murġh-e-chaman āshiyāñ talak

vo to bahār kā hameñ rakhnā paḌā bharam
varna ye vāqi.a hai ki gulshan meñ kuchh na thā

aaj to bāġhbāñ ne gulshan meñ
ik bichhāyā hai daam vahshat kā

ai sarv-sahī ke ek gulshan
chaliyo mat chaal ḳhush-qadoñ kī

bāġhbāñ jis ko banāyā thā usī ne 'barqī'
sahn-e-gulshan meñ bapā nāla-o-fariyād kiyā

kahīñ daraḳhtoñ meñ ġhol chiḌiyā kā baiTh kar chahchahā rahā hai
kahīñ se totoñ kā jhunD uTThā fazā-e-gulshan meñ ġhul machā.e

gulshan meñ ye kamāl tujhe dekh kar huā
phūloñ kā rañg laal tujhe dekh kar huā

gul hī uktā ga.e haiñ gulshan se
bāġhbāñ se kaho na ghabrā.e