Tags-Gulshan

guftār meñ phūloñ kī barsāt kā aalam thā
pahnā huā gulshan thā oḌhī huī ḳhushbū thī

ab ke gulshan meñ ajab rañg se aa.ī hai bahār
shāḳh-e-gul par bhī hameñ ḳhaar nazar aate haiñ

na lī turbat ko gulshan meñ jagah lī bhī to sahrā meñ
riyāzat sab hamārī tū ne ai taqdīr miTTī kī

guloñ ko naġhma-e-bulbul sunā.ī tak nahīñ detā
tire dīvānoñ ne vo dhuum gulshan meñ machā.ī hai

jis kī ai ahl-e-chaman kī hai lahū se ta.amīr
ab vo shīrāza-e-gulshan na bikhar jaane do

sehn-e-gulshan meñ bhī jī Dartā hai
sāya-e-gul meñ qafas ho jaise

ye aalam hai qafas kā dar khulā hai sehn-e-gulshan meñ
magar sayyād ko ab chhoḌ kar jaayā nahīñ jaatā

yuuñ dikhātā hai āñkheñ hameñ bāġhbāñ
jaise gulshan pe kuchh haq hamārā nahīñ

siikh ga.ī gulshan meñ tere qad satī
sarv par qumrī ne kū kū bolnāñ

har ik phuul gulshan meñ ye kah rahā hai har ik jām-e-mai se ye ham sun rahe haiñ
zamāne kī nazroñ meñ ghar hai usī kā jo hañs hañs ke din zindagī ke guzāre

sub.h mauj nasīm gulshan ko
nafas-e-jāñ-fazā diyā tū ne

kar band-o-bast abhī se na gulshan meñ bāġhbāñ
vo din to ho ki murġh-e-qafas aa.eñ chhūT kar

batāo chain se kaise raheñ ham aisī vaadī meñ
jahāñ gulshan ke rakhvāle hī kaliyoñ ko masalte haiñ

mahak rahā hai hamīñ se harīm-e-gulshan-e-roz
hamīñ se nūr-fazā hai nigār-ḳhāna-e-shab

sair-e-gulshan ne kiyā āvāra
lag gayā rog sabā kā ham ko

chaTak ke ġhunche sunāte haiñ kis kā afsāna
ye kaun aa gayā gulshan meñ be-hijābāna

huuñ ḳhār-e-rāh tak gulshan-ba-dāmāñ
agar tū hī ma.āl-e-justujū ho

ravish-e-sair vo gulshan meñ jo Tuk jā baiThe
bulbuleñ gul ke uThāyā kareñ kaañ aaTh pahar

jahāñ meñ rah ke yuuñ qaa.em huuñ apnī be-sabātī par
ki jaise aks-e-gul rahtā hai āb-e-jū-e-gulshan meñ

jinheñ sīñchā thā ḳhūn-e-dil se agle bāġhbānoñ ne
taraste ab haiñ paanī ko vo paude mere gulshan meñ