Tags-Gulshan

kār-e-numū āġhāz rahegā gor ho yā gulshan
rut ne sīkhī gul-ārā.ī ham majbūroñ se

kitne gulshan ki saje the mire iqrār ke naam
kitne ḳhanjar ki mirī ek nahīñ par chamke

aa bhī jā tū ki dil ke gulshan meñ
phuul ḳhushbū bahār chāhtā huuñ

nazar meñ jaise 'shīrīñ' ke tumhārā rū-e-raushan hai
nahīñ paḌtī hai aañkh us kī gul-e-shādāb-e-gulshan par

phūñk saktī hai barq gulshan ko
phuul is meñ khilā nahīñ saktī

gulshan-e-hasrat-o-ārzū kī jab kalī koī khulne pe aa.ī
bād-e-sarsar ne maare tamāñche is ḳhatā par ki kyuuñ muskurā.ī

agar is gulshan-e-hastī meñ honā hī muqaddar thā
to maiñ ġhunchoñ kī muTThī meñ dil-e-bulbul huā hotā

tujh se milne ke sivā saarī duā.eñ gulshan
ik yahī shāḳh hai be-barg-o-samar sadiyoñ se

sochtā rahtā huuñ kab badlegī gulshan kī havā
dekhtā rahtā huuñ lamhoñ ko havā hote hue

ham ne kyā jāniye kyā soch ke gulshan chhoḌā
fasl-e-gul der hī kyā thī tire aane ke liye

sehn-e-gulshan meñ tarab-ḳhez bahār aate hī
ham ne har phuul ko paimāna banā kar chhoḌā

sub.h-e-gulshan meñ ho gar vo gul-e-ḳhandāñ paidā
baiza-e-ġhuncha se ho bulbul-e-nālāñ paidā

gulshan meñ bandobast ba-rañg-e-digar hai aaj
qumrī kā tauq halqa-e-bairūn-e-dar hai aaj

jān-e-chaman jo gul the 'aḳhtar' vo to hue ma.atūb o zalīl
zeb-e-gulistāñ raunaq-e-gulshan kal ke ḳhas-o-ḳhāshāk hue

dekhte dekhte duniyā badlī gulshan kyā vīrāna kyā
parbat parbat naqsh the jin ke miTte miTte ḳhaak hue

hijr meñ jañgal se hai gulshan sivā
gul bhī mujh ko kam nahīñ haiñ ḳhaar se

be-kasāna jī giraftārī se shevan meñ rahā
ik dil ġham-ḳhvār rakhte the so gulshan meñ rahā

phuul khileñge gulshan meñ
diip jaleñge āñgan meñ