Tags-Gulshan

sayyādoñ ne gul-chīnoñ ne gulshan ko tārāj kiyā
lekin ham dīvānoñ se ābād abhī vīrāne haiñ

gulshan gulshan shāḳh o shajar par roz nasheman jalte haiñ
kis ne kahā thā mausam badlā agle se hālāt nahīñ

bāġhbāñ terī ināyat kā bharam kyuuñ khultā
ek bhī phuul jo gulshan meñ hamārā hotā

miT ke bhī dūri-e-gulshan nahīñ bhātī yā rab
apnī qudrat se mirī ḳhaak meñ par paidā kar

bahār-e-gulshan-e-ummīd bhī sairāb ho jaa.e
karam kī aarzū ai abr-e-rahmat ham bhī rakhte haiñ

tirā tasavvur-e-rañgīñ agar na ho shāmil
bahār-e-gulshan-e-imkāñ meñ dilkashī kyā hai

ruḳhsat huā go daur-e-ḳhizāñ fasl-e-gul aa.ī
gulshan ke vahī haiñ sahar-o-shām abhī tak

hazār phūloñ meñ dilkashī ho banā.e gulshan hai ḳhār-o-ḳhas par
vo kyā chaman hai ki jis chaman ne nashāt-e-daur-e-ḳhizāñ na dekhā

tāza-dam rakhtī hai terī ḳhushbū hī
mujh ko nisbat kyā gulshan-ārā.ī se

gulshan-ābād-e-jahāñ meñ sūrat-e-shabnam 'hafīz'
ham agar ro.e bhī to rone kī fursat ke liye

kisī ke bayābāñ ko gulshan banāyā
kisī ke gulistāñ pe bijlī girā dī

āñkhoñ ko band kar ke tasavvur meñ baaġh ke
gulshan qafas ko murġh-e-giraftār ne kiyā

ai maut ta.ajjub hai jo zīnat-e-gulshan hai
kaaTe vo shajar tū ne toḌe vo samar tū ne

mile haiñ zaḳhm jab se 'shoḳh' vo gulshan se bartā hai
bharosa kuchh nahīñ kis phuul se patthar nikal aa.e

ab koī gulshan na ujḌe ab vatan āzād hai
ruuh gañgā kī himāla kā badan āzād hai

koī samjhegā kyā rāz-e-gulshan
jab tak uljhe na kāñToñ se dāman

miltī nahīñ hai rāh-e-sukūñ ḳhauf-o-yās meñ
gulshan kī justujū hai to sahrā se bach ke chal

ġhuncha-e-gul meñ va bulbul meñ huī be-mazagī
dekh gulshan meñ dahan yaar kā tañg aur namak

gul na the jis meñ vo gulshan bhī thā jañgal kī tarah
ghar vo qabristān thā jis meñ koī bachcha na thā

bāġhbāñ taak meñ hai ghaat meñ sayyād hai dekh
sair-e-gulshan abhī ai bulbul-e-nāshād na kar