Tags-Gunah

ālūda-e-gunāh hai apnā riyāz bhī
shab kāTte haiñ jaag ke muġh kī dukāñ meñ ham

kyā kaam kar rahā hai ye mehmān-e-zindagī
bhartā hai kyuuñ gunāh se dāmān-zindagī

ham bhī iisā kī tarah tum se yahī kahte haiñ
jo gunāhgār nahīñ hai vahī maare patthar

gunāhgār kī sun lo to saaf saaf ye hai
ki lutf-e-rahm-o-karam kyā phir intiqām ke baad

pāmāl rāstoñ se baġhāvat nahīñ gunāh
qadreñ na.ī haiñ to na.e rahbar bhī ā.eñge

mire sulūk kī qīmat yahīñ adā kar de
mujhe gunāh kī lazzat se āshnā kar de

is lamha-e-ḳhair-o-shar meñ kahīñ ik saa.at aisī hai jis meñ
har baat gunāh nahīñ hotī sab kār-e-savāb nahīñ hotā

zauq-e-nazar ko aap samajhte haiñ gar gunāh
nādim khaḌā huuñ maiñ bhī gunahgār kī tarah

piitā huuñ roz us kī nasīhat ke bāvajūd
mere gunāh kī kahīñ dohrī sazā na ho

zindāñ kī to apne sair tū kar
shāyad koī be-gunāh nikle

kar chuke ham ko be-gunāh shahīd
aap kī aañkh phir bhī tar na huī

gunāhgār huuñ maiñ vā.izo tumheñ kyā fikr
mirā muāmla chhoḌo shafī-e-mahshar par

burā sahī maiñ pa nīyat burī nahīñ merī
mire gunāh bhī kār-e-savāb meñ likhnā

qarīb dekh ke us ko ye baat kis se kahūñ
ḳhayāl dil meñ jo aayā gunāh jaisā thā

gunāh bhī koī jaise kare Dare bhī bahut
usī tarah kī jhijhak us kī baat baat meñ hai

bahār se bhī numāyāñ hai ishq kā kirdār
ye lahlahātā chaman hai ki be-gunāh kā dil

navāzish-e-ġham-e-daurāñ sabhī pe yaksāñ hai
gunāhgār kā dil ho ki be-gunāh kā dil

batā jaa.ez hai kis maz.hab meñ ḳhūn-e-be-gunāh zālim
tū hindū hai musalmāñ hai yahūdī hai ki tarsā hai

gunāh ye hai ki kyuuñ apnā naam rakhā 'nūr'
vo din aur aaj kā din tīrgī kī qaid meñ huuñ

qubūliyat ko agar haiñ ibādateñ darkār
gunāh chāhiyeñ rahmat ko dar-guzar ke liye