Collections

Lab Shayari

Motivational Ghazals

Best Khamoshi Shayari

More Collections

Tags-Gunah

har be-gunāh se vāda-e-baḳhshish hai roz-e-hashr
goyā gunāh kī bhī zarūrat nahīñ rahī

mar kar mariz-e-gham ki wo haalat nahin rahi

fursat mile to dekh zarā dil kā aa.ina
is meñ hai aks tere gunāh-o-savāb kā

kab ka guzar chuka hai wo mausam shabab ka

gunāh ek hī donoñ kā hai to phir ye kyuuñ
use savāb mile aur mujhe azaab mile

jo teri yaadon se is dil ka aaftab mile

gunāh jis se na sarzad huā ho ai 'ājiz'
usī ko haq hai vo kah de gunāhgār mujhe

jahan na dil ko sukun hai na hai qarar mujhe

ajiib haal thā ahd-e-shabāb meñ dil kā
mujhe gunāh bhī kār-e-savāb lagtā thā

ajib haal tha ahd-e-shabab mein dil ka

ye muḳhtasar sī dāstāñ hai jabr-o-iḳhtiyār kī
karishma-sāz koī ho ḳhatā gunāhgār kī

ye itr be-ziyan nahin nasim-e-nau-bahaar ki

tire sivā hai karīm aur rahīm kis kī zaat
najāt kis se talab ham gunāhgār kareñ

gale lagaen balaen len tumko pyar karen

tumhāre dar se na māyūs jaa.eñ hājat-mand
qubūl hove jo tauba gunāhgār kareñ

gale lagaen balaen len tumko pyar karen

bose kī talab meñ us ne 'goyā'
nā-karda-gunāh ham ko maarā

kis naz se wah hum ko mara

tere gunāhgār gunāhgār hī sahī
tere karam kī aas lagā.e hue to haiñ

sine mein un ke jalwe chhupae hue to hain

sadmoñ ne ishq-e-husn ke dam kar diyā fanā
'ātish' sazā gunāh-e-mohabbat kī pā chuke

kya kya na rang tere talabgar la chuke

ik fursat-e-gunāh milī vo bhī chaar din
dekhe haiñ ham ne hausle parvardigār ke

ek fursat-e-gunah mili wo bhi chaar din

gunāhgār huuñ ik maiñ hī shahr meñ shāyad
ki baat karte haiñ sab mujh se pārsā kī tarah

raha asir kai sal naqsh-e-pa ki tarah

vo lamhe bhūle nahīñ rasm-o-rāh ke ab tak
tasavvurāt haiñ dil meñ gunāh ke ab tak

wo lamhe bhule nahin rasm-o-rah ke ab tak

tū sarāpā ajr ai zāhid maiñ sar-tā-pā gunāh
bāġh-e-jannat terī ḳhātir karbalā mere liye

KHud nawed-e-zindagi lai qaza mere liye

ek begāna-ḳhū ko dil de kar
maiñ gunāhgār ho gayā sab kā

ek hai phir bhi hai KHuda sab ka

sharm-e-jafā se chhupte ho tum dād-ḳhvāh se
uzr-e-gunah tumhārā hai bad-tar gunāh se

kya hai ki aaj chalte ho katra ke rah se

ḳhud-parastī ḳhudā na ban jaa.e
ehtiyātan gunāh kartā huuñ

KHud-parasti KHuda na ban jae

hastī-e-ġhair kā sajda hai mohabbat meñ gunāh
aap hī apnī parastish ke sazā-vār haiñ ham

hasti-e-ghair ka sajda hai mohabbat mein gunah

mirī fuġhāñ se shikāyat hai sone vāloñ ko
mirā gunāh yahī hai ki jāgtā huuñ maiñ

KHilaf-e-rasm-e-taghazzul ghazal-sara hun main