English
Favourite
Favourite
UrduShayarUrduShayar
Expand menu
Sign inAccount

Tags-Gunah

ek din dil ne kahā jā Dhāñk le apne gunāh
ham ne sochā ā.inoñ ko Dhañknā achchhā nahīñ
Ghazal
 usMein rah kar uske bahar jhankna achchha nahin
tū na dekhe ye dekhnā merā
tujh se chhup kar gunāh kartā huuñ
Ghazal
 ho ke majbur aah karta hun
dil se ḳhauf-e-jazā nahīñ miTtā
Darte Darte gunāh kartā huuñ
Ghazal
 ho ke majbur aah karta hun
abr-e-rahmat umañDtā aatā hai
jab ḳhayāl-e-gunāh kartā huuñ
Ghazal
 ho ke majbur aah karta hun
ho ke majbūr aah kartā huuñ
thaam kar dil gunāh kartā huuñ
Ghazal
 ho ke majbur aah karta hun
maiñ jāntā huuñ chhalaktā huā gunāh hai ye
tū is gunāh ko be-ehtisāb piine de
Ghazal
 na chheD zahid-e-nadan sharab pine de
karo rindo gunāh-e-mai-parastī
ki saaqī hai atā-pāsh o ḳhatā-posh
Ghazal
 mein ghash mein hun mujhe itna nahin hosh
hamāre saare gunāh vaa.iz maqāla-e-iftitāhiya haiñ
abhī to ham nāma-e-amal kā muqaddama tahrīr kar rahe haiñ
Ghazal
 nafas nafas zindagi ke ho kar ajal ki tashhir kar rahe hain
duniyā gunāhgār hai terī nigāh meñ
zāhid hai terā zo.am bhī dāḳhil gunāh meñ
Ghazal
 kanTon pe chal raha hun mohabbat ki rah mein
pa.e-gunāh hai terī panāh kī taḳhsīs
ki hai tujhī pe har ik dād-ḳhvāh kī taḳhsīs
Ghazal
 pae-gunah hai teri panah ki taKHsis
is qadar Duube gunāh-e-ishq meñ tere habīb
sochte haiñ jā.eñge kis muñh se tauba kī taraf
Ghazal
 shauq-e-warafta chala shahr-e-tamasha ki taraf
pūchhe to koī kyā mire taqsīr kyā gunāh
kartā hai kyuuñ sitam vo sitamgār be-sabab
Ghazal
 aazurda ho gaya wo KHaridar be-sabab
burā sahī maiñ pa nīyat burī nahīñ merī
mire gunāh bhī kār-e-savāb meñ likhnā
Sher
 bura sahi main pa niyat buri nahin meri
havā-e-mai-kada ye hai to faut-e-vaqt hai zulm
namāz chhoḌ deñ ab koī din gunāh kareñ
Ghazal
 ye tark ho ke KHashin kaj agar kulah karen
rakhtā hai talḳh-kām ġham-e-lazzat-e-jahāñ
kyā kījiye ki lutf nahīñ kuchh gunāh kā
Sher
 rakhta hai talKH-kaam gham-e-lazzat-e-jahan
is tarah se ḳhafā hue jānāñ
jaise maiñ ne baḌā gunāh kiyā
Nazm
 etiraf
zauq-e-gunāh o azm-e-pashemāñ liye hue
kyā kyā hunar haiñ hazrat-e-insāñ liye hue
Ghazal
 zauq-e-gunah o azm-e-pasheman liye hue
masarratoñ meñ bhī jaage gunāh kā ehsās
mire vajūd ko itnī bhī pārsā.ī na de
Ghazal
 charag apni thakan ki koi safai na de
baḌhtī ga.ī gunāh kī lazzat gunāh meñ
paḌtī ga.ī gunāh se aadat gunāh kī
Ghazal
 mere har ek sans mein shirkat hai aah ki
guzar rahā huuñ kisī jannat-e-jamāl se maiñ
gunāh kartā huā nekiyāñ kamātā huā
Ghazal
 furaat-e-chashm mein ek aag si lagata hua
Top Urdushayar.com