Tags-Hadsa

saḌak pe ho gayā phir koī hādisa shāyad
ik iztirāb sā lagtā hai rāhgīroñ meñ

merī barbādī meñ jis kā haath thā vo fitna-gar
pūchhtā hai ab mujhe ye hādisa kyūñkar huā

tez raftār zindagānī meñ
hādisa ās-pās rahtā hai

sarāsar ittifāqī hādisa thā
us ne ḳhud likhā thā

bahut dinoñ se koī hādisa nahīñ guzrā
kisī ke taaza lahū kā nishāñ talāsh karo

'shaukat' hamāre saath baḌā hādisa huā
ham rah ga.e hamārā zamāna chalā gayā

mujh sā anjān kisī moḌ pe kho saktā hai
hādsa koī bhī is shahr meñ ho saktā hai

hādisa zindagī hai aadam kī
saath degī bhalā ḳhushī kab tak

jāhil ko agar jehl kā in.aam diyā jaa.e
is hādisa-e-vaqt ko kyā naam diyā jaa.e

rah-e-vafā meñ zarā ehtiyāt lāzim hai
har ek gaam pe hotā hai hādsa sāhab

kis ne sochā thā ki ye itnā hasīñ ik vāqi.a
ek din siine meñ ban kar hādsa rah jā.egā

maiñ chalā to huuñ sunāne use dāstāñ vafā kī
koī hādisa huā to mujhe log kyā kaheñge

mil jaa.e sar-e-rāh kisī moḌ pe koī
ik hādsa be-shak hai rifāqat to nahīñ hai

mujh sā anjān kisī moḌ pe kho saktā hai
hādsa koī bhī is shahr meñ ho saktā hai

'ḳhālid' mujhe to achchhī tarah yaad bhī nahīñ
vo hādsa jo kal mirī palkeñ bhigo gayā

na socho tark-e-ta.alluq ke moḌ par ruk kar
qadam baḌhāo ki ye hādsa zarūrī hai

ghar meñ sāmāñ to ho dilchaspī kā
hādisa koī uThā le jā.ūñ

dil-e-ġham-zada pe guzar gayā hai vo hādsa ki mire liye
na to ġham rahā na ḳhushī rahī na junūñ rahā na parī rahī

kaun detā hai dastakeñ itnī
gum-shuda koī hādisa hai kyā

mujhe be-dast-o-pā kar ke bhī ḳhauf us kā nahīñ jaatā
kahīñ bhī hādisa guzre vo mujh se joḌ detā hai