Tags-Hausla

havā ḳhafā thī magar itnī sañg-dil bhī na thī
hamīñ ko sham.a jalāne kā hausla na huā

ik hujūm-e-tā.irāñ hai be-sakat be-hausla
bāl-o-par hote hue par toltā koī nahīñ

qadam qadam pe mujhe jis ne hausla baḳhshā
charāġh-e-rāh banī haiñ nasīhateñ us kī

jo tamām umr ban kar mirā hausla rahī hai
vahī aaj merī ġhairat mujhe aazmā rahī hai

fuzūl tez havāoñ ko dosh detā hai
use charāġh jalāne kā hausla kam hai

zabt-e-fuġhāñ go ki asar thā kiyā
hausla kyā kyā na kiyā kyā kiyā

vo hausla ki pher de jo āñdhiyoñ ke ruḳh
vo hausla abhī mirī paspā.iyoñ meñ thā

ye tum ne paañv kyā rakkhā huā thā
zamīñ ne hausla rakkhā huā thā

kisī bhī raah pe ruknā na faisla kar ke
bichhaḌ rahe ho mirī jaan hausla kar ke

kiyā karte the bāteñ zindagī-bhar saath dene kī
magar ye hausla ham meñ judā hone se pahle thā

safar huā thā jahāñ se jaarī usī jagah par hai lauTnā phir
qadam qadam hādsoñ se laḌnā na ham se hogā ye hausla phir

huā kyuuñ iltifāt un kā baḌhā kyuuñ hausla merā
nihāñ phūloñ meñ rahtī aah gar nik.hat to achchhā thā

itne be-rañg ujāloñ se nazar guzrī hai
hausla aañkh ko ab ḳhvāb-e-hasīñ kā na rahā

hausla haar diyā jald hī maiñ ne apnā
chhoḌ dene meñ zarā us ne bhī ujlat kī hai

vo zaḳhm de ke mujhe hausla bhī detā hai
ab is se baḌh ke tabī.at-shanās kyā degā

mire junūñ ne khilā.e haiñ phuul sahrā meñ
mire junūñ se bahāroñ ko hausla to milā

tum ham-safar hue to huī zindagī aziiz
mujh meñ to zindagī kā koī hausla na thā

jis ko jiine kā zarā sā bhī nahīñ thā hausla
Dar ke ġham se mar gayā vo aadmī achchhā huā

hai safar dasht kā mushkil to magar himmat kar
hausla dene lage paañv ke chhāle mujh ko