Tags-Hausla

zamāna aur hai aubāshiyoñ kā vaqt nahīñ
na vo mizāj hamārā na hausla dil kā

ab nahīñ koī yahāñ hausla dene vaalā
phir vahī dasht vahī shām-e-safar sāmne hai

ishq ko hausla hai shart arna
baat kā kis ko Dhab nahīñ aatā

ahd-e-kam-koshī meñ ye bhī hausla maiñ ne kiyā
shahr ke sab band darvāzoñ ko vā maiñ ne kiyā

sāhab ke harza-pan se har ek ko gila hai
maiñ jo nibāhtā huuñ merā hai hausla hai

nahīñ hai aur kisī meñ ye hausla itnā
havā ke saath parinda hī chal rahā hogā

bajā sahī ye hayā aur ye ehtiyāt magar
kabhī kabhī to mohabbat meñ hausla kiyā kar

thī zaḳhm zaḳhm magar ḳhud ko TūTne na diyā
samundaroñ se sivā hausla chaTTān meñ thā

mat baiTh āshiyāñ meñ paroñ ko sameT kar
kar hausla kushāda fazā meñ uḌaan kā

mujhe yaqīñ hai ki mere bas meñ hai manzil-e-shauq par utarnā
mujhe bahut hausla diyā hai mirī mohabbat mire ḳhudā ne

koī zaḳhm-ḳhurda hai ḳhaar kā koī ḳhūñ-tapīda bahār kā
hai mirā hī hausla 'mus.hafī' ki kisī se mujh ko gilā nahīñ

lan-tarānī hī rahī us shoḳh ko ushshāq se
hausla paidā na kis kis ko huā go diid kā

koī dekhe to sahī hausla-mandī apnī
ham ne tūfān kī har ik mauj ko sāhil bāñdhā

koī mushkil bhī ho ḳhātir meñ na laate the kabhī
hausla kitnā baḌhātī thī rifāqat terī

hausla dil kā havādis meñ baḌhā rakkhā hai
sham.a ko maiñ ne havāoñ meñ jalā rakkhā hai

ḳhud apne-āp ko chhūne kā hausla na rahā
ki mere jism pe merā hī ḳhuun phailā thā

bahut pīr-e-muġhāñ zī-hausla hai
sharāb-e-nāb ke sāġhar luTe haiñ

ye ahl-e-vahshat kā hausla hai ḳhizāñ pe qabza hai fasl-e-gul kā
vo baḌh ke sīna-sipar hue haiñ gumān-e-barq-o-sharar se pahle

ye zamīñ āsmāñ nahīñ 'sāhil'
kis qadar hausla kare koī

tū merā hausla to dekh phir huuñ usī ke rū-ba-rū
tīr-o-tabar haiñ us ke paas aur maiñ Dhaal ke baġhair