Tags-Hausla

sila-e-zauq mai-kashī ma.alūm
zarf kyā shai hai hausla kyā hai

ab to har jazba-e-bebāk kā bhī
hausla past huā jaatā hai

hasb-e-va.ada mujh se milne vo kabhī aayā nahīñ
is se baḌh kar aur kuchh bhī hausla-farsā nahīñ

ye hausla to guloñ kā thā hañs paḌe lekin
unheñ kisī kā tabassum bhī kab gavārā thā

pahle jaañ mere lab tak aa jaa.e
phir batā.uñgā hausla kyā hai

balā kā hausla mujh ko milā hai
bahut dushvār hai rasta jidhar huuñ

maiñ zaḳhm zaḳhm sahī hausla to qaa.em hai
shikasta-hāl to huuñ par ye merī maat nahīñ

muhīb tiira guphā meñ badan hai sahmā huā
bas ek jugnū hai jo hausla baḌhātā hai

bār-e-garāñ thā mere liye arsa-e-hayāt
jiine kā tere ġham se bahut hausla rahā

mire hijr ke faisle se Daro tum
maiñ ḳhud meñ ajab hausla dekhtī huuñ

rotī nahīñ huuñ maiñ kabhī duniyā ke sāmne
rakhtī huuñ hausla maiñ nihāyat kamāl kā

agar kahīñ koī dīvār sāmne aa.ī
buland ho gayā paanī kā hausla kuchh aur

paane kī jidd-o-johd meñ umreñ guzar ga.iiñ
ik baar tujh ko khone kā bhī hausla karūñ

mire bāl-o-par meñ vo hausla hai jo āsmāñ ko sameT le
jo mujhe banā.egā jāvedāñ mirī chashm-e-tar meñ vo ḳhvāb hai

huā hai terī mohabbat kā hausla saaqī
magar garāñ hai qanā.at kā marhala saaqī

vo jo mil chukī haiñ aziyyateñ chalo maan leñ ki bahut huā
magar ab milā hai jo hausla kisī aur ko to milā nahīñ

ab ḳhalvatoñ meñ shor machāne se fā.eda
thā hausla to bar-sar-e-darbār bolte

naqd-e-dil hai ki garebān ke har taar meñ hai
hausla ab bhī bahut tere ḳharīdār meñ hai

hausla shart-e-vafā kyā karnā
band muTThī meñ havā kyā karnā

namī thī aañkh meñ lekin ik e'timād bhī thā
mujhe to hausla jiine kā us ke ba.ad bhī thā