Tags-Hausla

sar-e-āb-jū rahe tishna-lab to ye zabt-e-ġham kī hai intihā
mire haal pe the jo nukta-chīñ mirā hausla bhī to dekhte

vo utar ga.e the jo paar ḳhud mujhe biich bahr meñ chhoḌ kar
thā jo un meñ itnā hī hausla mujhe Dūbtā bhī to dekhte

bahār aate hī kunj-e-qafas nasīb huā
hazār haif ki niklā na hausla dil kā

tū mohabbat se koī chaal to chal
haar jaane kā hausla hai mujhe

na ġhurūr hai ḳhirad ko na junūñ meñ bāñkpan hai
ye mizāj-e-zindagī to baḌā hausla-shikan hai

barq-e-ba-jān-e-hausla ātish-fagan 'asad'
ai dil-fasurda tāqat-e-zabt-e-fuġhāñ nahīñ

mar ga.e ham par na aa.e tum ḳhabar ko ai sanam
hausla ab dil kā dil hī meñ mirī jaañ rah gayā

tañgī kare na hausla apnā kahīñ bas ab
itnī jafā na kar ki vafā ko burī lage

hausla hai mujhe satāne kā
ro na denā mujhe rulāne tak

sāmne apne tū bulā ke to dekh
hausla merā aazmā ke to dekh

kitnā jāñ-soz hai manzar mirī tanhā.ī kā
hausla mujh meñ nahīñ anjuman-ārā.ī kā

manzileñ aa ke mere paañv meñ gir jaatī haiñ
hausla jab maiñ thakānoñ se alag rakhtā huuñ

reza reza hue haiñ ḳhvāb mire
phir bhī qaa.em hai hausla merā

ye baat gar na ho to kare kaun hausla
milnā kisī kā sahl bhī hai aur alam bhī hai

aap ko kho ke tum ko DhūñDh liyā
hausla thā ye mere hī dil kā

kis ko mālūm kahāñ se koī patthar aa jaa.e
hausla ho to añdheroñ meñ nikalte rahiye

kāñTe kī jarāhat se bhī mar jaate haiñ kuchh log
rakh hausla itnī bhī na ab ḳhud ko sazā de

yaqīnan aaj ham ik saath hote
agar karte zarā sā hausla to

aap ko kho ke tum ko DhūñDh liyā
hausla thā ye mere hī dil kā