Tags-Hijr

hamāre siine meñ jo rah ga.ī thī ātish-e-hijr
shab-e-visāl bhī us ko na ham-kanār kiyā

vasl meñ hijr kā Dar yaad aayā
ain jannat meñ saqar yaad aayā

rote rote hijr meñ suuje haiñ ye chashmān-e-tar
jism lāġhar ho gayā tayyār āñkheñ ho ga.iiñ

kis be-dilī se hijr meñ kī ham ne zindagī
dil thā kahāñ ki yahāñ vo but-e-dilsitāñ na thā

jo visāl-o-hijr se duur hai jo karam sitam se hai be-ḳhabar
kuchh uThā huā hai vo dard bhī kuchh uThī huī vo nazar bhī hai

ye visāl-o-hijr kī bahs kyā ki ajiib chiiz hai ishq bhī
tujhe pā ke hai vahī dard-e-dil vahī rañg-e-zaḳhm-e-jigar bhī hai

riñd ġham hijr kā khāyā na karo
jaan ko apnī khapāyā na karo

apne hī aks ko paanī meñ kahāñ tak dekhūñ
hijr kī shaam hai koī to lab-e-jū aa.e

rahtī hai bas-ki raakh zamānoñ kī taaq par
maiñ bhī charāġh-e-hijr kā chakkar luuñ aur gā.ūñ

kabhī hañsātī hai yaad terī kabhī rulātā hai hijr terā
ye qābil-e-dīd hai tamāshā ye sair-e-be-mehr dīdanī hai

hijr kī āñkhoñ se āñkheñ to milāte jā.iye
hijr meñ karnā hai kyā ye to batāte jā.iye

kahūñ kyā dil kī kyā hālat hai hijr-e-yār meñ ġhālib
ki betābī se har-yak tār-e-bistar ḳhār-e-bistar hai

hijr meñ ye sharāb hai tezāb
haath par aabla hai jaam nahīñ

gar na thī hijr meñ ummīd-e-visāl
jiite rahne kā huā kyā baa.is

hijr-e-jānāñ ke alam meñ ham farishte ban ga.e
dhyān muddat se chhuTā āb-o-ta.ām-o-ḳhvāb kā

raushan hai shab-e-hijr ba-andāz-e-ta.alluq
vo mehr-e-nazar dāġh-e-judā.ī nahīñ detā

hijr ik mustaqil libās mirā
jis ko maiñ zeb-e-tan kiye hue huuñ

shab-e-hijr ba.ad mere agar is jahāñ meñ rahtī
to yahī siyāh daftar mirā yādgār hotā

zindagī-e-hijr bhī ik maut thī
marg ne kyā kār-e-masīhā kiyā

siina ke tabaq meñ hai kabāb-e-dil-e-pur-soz
jis din se ġham-e-hijr hai mehmān hamārā