Tags-Hijr

soz-e-tap hijr kā ye hai hukm
tan sham-e-sifat gudāz kiije

mar ga.e haiñ jo hijr-e-yār meñ ham
saḳht betāb haiñ mazār meñ ham

'zafar' ye hai us but kī yādoñ kā sadqa
shab-e-hijr lutf-e-visāl aa rahā hai

mire hijr ke faisle se Daro tum!
maiñ ḳhud meñ ajab hausla dekhtī huuñ

ab to ham yuuñ rahte haiñ is hijr-bhare vīrāne meñ
jaise aañkh meñ aañsū gum ho jaise harf kitāb meñ chup

kal us ke hijr kī dīvār toḌ dī ham ne
na.e zamāne meñ yādeñ purānī kyā karte

qurbat-pasand dil kī tabī.at meñ thā tazād
ḳhush ho rahā huuñ hijr kā sadma uThā maiñ

tamīz-e-hijr-o-visāl is maqām par bhī hai
hisāb-e-rāh-e-mohabbat meñ garche haal meñ haiñ

donoñ haiñ un ke hijr kā hāsil liye hue
dil ko hai dard dard ko hai dil liye hue

ḳhizāñ meñ hijr kī Duubā visāl kā mausam
magar hai zehn meñ ḳhushbū sī raat raanī kī

tumhāre hijr ko kaafī nahīñ samajhtā maiñ
kisī malāl ko hatmī nahīñ samajhtā maiñ

ḳhayāl ātishīñ ḳhvābīda sūrateñ dī haiñ
saḳhā-e-hijr ne ab bhī numā.isheñ dī haiñ

jiitā rahūñ ki hijr meñ mar jā.ūñ kyā karūñ
tū hī batā mujhe maiñ kidhar jā.ūñ kyā karūñ

ab tire hijr meñ yuuñ umr basar hotī hai
shaam hotī hai to ro ro ke sahar hotī hai

ḳhudā na laa.e vo din ki terī sunahrī nīndoñ meñ farq aa.e
mujhe to yuuñ apne hijr meñ umr bhar ko bezār-e-ḳhvāb kar de

hijr kī shab ko yaañ ta.iiñ taḌpā
ki huā sub.h hote merā visāl

ḳhaak ko ḳhaak pe dharne kā maza apnā hai
hijr meñ kaun bichhātā hai chatā.ī sāhab

maiñ huuñ 'bāqar' aise maqām par nahīñ kam-nazar kā jahāñ guzar
ye ajiib manzil-e-shauq hai ki na hijr hai na visāl hai

kāñTā sukhā ke hijr ne har-chand kar diyā
vo gul-badan mile to na phūlā samā.ūñ maiñ

nā-tavānī se hai hālat ġhair hijr-e-yār meñ
dam nikal jaatā hai apnā saath har ik aah ke