Tags-Hijr

qaht jazboñ kā paḌā vīrāñ se haiñ dil ke nagar
shahr par aaseb shāyad hijr ke mañDlā ga.e

vasl meñ kyā visāl mushkil thā
yaad par roz hijr kā na rahā

yuuñ ham ne nikālī hai tirī rāh-e-mulāqāt
yuuñ hijr tire diid kī barakat kī ghaḌī hai

tasavvur meñ bhī jis kī justujū kartā hai dil merā
usī se hijr meñ bhī guftugū kartā hai dil merā

ab na vo raat jab ummīdeñ bhī kuchh thiiñ tujh se
ab na vo baat ġham-e-hijr ke afsānoñ meñ

hijr meñ vasl-e-yār kī bāteñ
haiñ ḳhizāñ meñ bahār kī bāteñ

ai ġham-e-hijr raat kitnī hai
aur terī hayāt kitnī hai

shikva-e-hijr-e-yār kaun kare
husn ko sharmsār kaun kare

DhūñDhegī sar-barahna hameñ dasht-e-hijr meñ
ik din junūñ meñ ġhairat-e-jānāñ bhī aa.egī

vasl ke fasāne se
hijr ke zamāne tak

hijr meñ ġham kī chaḌhā.ī hai ilāhī tauba
kyā nasībe kī burā.ī hai ilāhī tauba

shab-e-va.ada fasīl-e-hijr se aage chamaktā hai tirā ism-e-sitāra-jū
ki jaise koī paivand-e-ridā-e-sub.h aa jaa.e kisī qindīl kī zad meñ

fuġhāñ kā shor muqaddar hai hijr kī shab meñ
na koī naġhma na chañg o rabāb mere liye

hijr ke māroñ kī taqdīr bhī kyā hotī hai
dekh sakte haiñ magar baat nahīñ ho paatī

na vo jhāñknā hai galī galī na vo tāknā hai kalī kalī
na kasak hai hijr ke dard meñ na damak hai shauq-e-visāl meñ

jaise ġhunche khil uThte haiñ tar ho kar ashk-e-shabnam se
dil shab-bhar hijr meñ ro ro kar har sub.h yūñhī masrūr bhī hai

maut aa.e mujh ko hijr meñ ahmad kī ai 'munīr'
vallāh kuchh mazā nahīñ aisī hayāt meñ

aa.ī hai tavīl hijr kī shab
ye dil sar-e-shām jal gayā hai

hijr ke naam pe bhī vasl ke unvān se bhī
ishq ne itne diye haiñ mujhe āzār ki bas

nigāh o dil meñ ugī dhuup ko bujhātī huī
tumhāre hijr kī rānā.iyoñ meñ baiThī huuñ