Collections

Lab Shayari

Motivational Ghazals

Best Khamoshi Shayari

More Collections

Tags-Hijr

hijr ke dard ko baḌhne de ki hai muzhda-e-vasl
vahī ghaTtā hai jahāñ meñ jo sivā hotā hai

dil ke hote bhi kahin dard juda hota hai

hijr meñ kyuuñ nahīñ maut aatī
haa.e kyā dāġh-e-dil maraz-e-jāñ hai

har taraf majma-e-ashiqan hai

vo dariyā hijr kā thā tund dariyā
udāsī ke bhañvar achchhe lage the

yaqinan hum ko ghar achchhe lage the

nashāt-e-qurb ġham-e-hijr ke evaz mat maañg
duā ke naam pe yuuñ bad-duā nahīñ karte

yunhi to shaKH se patte gira nahin karte

hai jis ke saath juḌe ik hazār ik ḳhadshe
vo hijr kaisā hai 'hāmid' visāl kaisā hai

KHushi ke waqt bhi tujhko malal kaisa hai

ye to mumkin hai bayāñ hijr kī rūdād karūñ
hai kise taab sune ġham ke hisāboñ kī kitāb

tu kahan hai mujhe o KHwab dikhane wale

kisī ko jā ke batāte haiñ hāl-e-dil 'nāsik'
kisī se hijr ke ādāb pūchh lete haiñ

yahi bahut hai ki ahbab puchh lete hain

hijr ke sadme bahut baḳhshe ye sach hai lekin
lazzat-e-vasl se bhī us ne ham-āġhosh kiyā

waqt ke hathon ne jab tak ki na KHamosh kiya

ye hijr-o-visāl jis meñ ham haiñ
ai lazzat-e-dard intihā hai

ye wasl nahin to aur kya hai

ab to yuuñ hai ki tire hijr meñ rone ke liye
aañkh meñ ḳhuun to kyā ḳhuun sā paanī bhī nahīñ

aankh mein KHwab nahin KHwab ka sani bhi nahin

tire hijr tere visāl apne ḳhayāl meñ
kisī aa.ine meñ maiñ sab kā sab nahīñ aa sakā

kahin bhi maqam-e-sada-e-lab nahin aa saka

hijr kī shab ko jab koī na milā
mujh se aa kar lipaT ga.ī hogī

aankh meri ulaT gai hogi

jo mil gayā hai to ab mujhe se hāl-e-hijr na pūchh
kisī tarah se vo din bhī guzar ga.e hoñge

wo log bhi hain jo maujon se Dar gae honge

maiñ tire hijr kī giraft meñ huuñ
ek sahrā hai mubtalā mujh meñ

main tere hijr ki giraft mein hun

jis ko ham roz-e-hijr samjhe the
maah thā yā vo saal thā kyā thā

KHwab tha ya KHayal tha kya tha

guzrī kisī kī raat ġham-e-hijr meñ rote
kamra kisī ne rakkhā thā phūloñ se sajā kar

rakhi na gai dil mein koi baat chhupa kar

ḳhvāb thā yā ḳhayāl thā kyā thā
hijr thā yā visāl thā kyā thā

KHwab tha ya KHayal tha kya tha

dekh kar tūl-e-shab-e-hijr duā kartā huuñ
vasl ke roz se bhī umr mirī kam ho jaa.e

dekh kar tul-e-shab-e-hijr dua karta hun

maiñ tire hijr se niklūñgā to mar jā.ūñgā
haa.e vo log jo mehvar se nikal jaate haiñ

ruTh kar aankh ke andar se nikal jate hain

tavīl hijr kī muddat bhī ham faqīroñ ko
ḳhulūs-e-dil se ba-sad iḳhtisār dī ga.ī hai

shabih-e-ruh kuchh aise nikhaar di gai hai