Tags-Hijr

yaar ko ma.alūm hotā hai hijr meñ soyā nahīñ
ḳhat likhūñ goyā bayāz-e-dīda-e-bedār par

hijr kī rāteñ kaTīñ taare gine jaagā kiye
vasl ke lamhe mile āḳhir qarār aa hī gayā

shab-e-hijr ab ye satā.e hai ki ḳhizān-e-marg dikhā.e hai
vo ruḳh ab kahāñ nazar aa.e hai ki jo rashk-e-sub.h-e-bahār thā

shab-e-hijr ke kaheñ kyā alam nazar aa.e sub.h ko bahte yam
ki ba-josh-e-bārish-e-abr-e-ġham pe bañdhā sarishk kā taar thā

vo aag lagā.ī hai tire hijr ne dil meñ
har lamha judā.ī kā sharar hone lagā hai

kisī ne dil ke taaq par jalā ke rakh diyā hameñ
magar havā-e-hijr ne bujhā ke rakh diyā hameñ

ab ibādat meñ bhī aa jaate ho lab par mere
itnā paḌhtā huuñ tumheñ hijr ke lamhoñ meñ ki bas

sozish hai dāġh-e-hijr meñ is se sivā 'vaqār'
bhartā huuñ jitnā marham-e-kāfūr raat din

ai bhūle hue hijr kahīñ mil to sahī yaar
ik duuje se ham donoñ haiñ muddat se gurezāñ

hijr to ḳhair us kā lāzim thā
vasl bhī ab bahut zarūrī hai

vaqt kī bāzgasht se kab ye huā ki Dar ga.e
dard kī dhuup Dhal ga.ī hijr ke din guzar ga.e

hijr kī aag meñ jalne se nahīñ Dartī maiñ
ishq mujh meñ abhī be-ḳhauf-o-ḳhatar baaqī hai

hijr meñ bhī ye mirī saañs agar baaqī hai
is kā matlab hai mohabbat meñ asar baaqī hai

'hasan' vasl aur hijr meñ yaar ke
kabhī aah hai aur kabhī vaah hai

ye shāḳh-e-dil thī hare mausamoñ kī dil-dāda
so dasht-e-hijr meñ taaza rutoñ ko rotī hai

sadiyoñ tak ehtimām-e-shab-e-hijr meñ rahe
sadiyoñ se intizār-e-sahar kar rahe haiñ ham

ham ne tere hijr ko āḳhir kār-e-jahāñ taslīm kiyā
duniyā-dārī karte haiñ aur dhyān baTāte phirte haiñ

huī hai umr ki ḳhurshīd se nazar na milī
hamāre hijr kī shab ko kahīñ sahar na milī

hijr ke tapte sahrā meñ
merī tarah kumhlāyā vo

jo ba.ad-az-hijr aayā us ko kaise vasl kah duuñ
shikāyat se gale mil kar nadāmat ro rahī hai