Tags-Hijr

is ghar ke do makīn the ik peḌ aur maiñ
ye hijr to kisī kī sharārat meñ rah gayā

dil mubtalā-e-hijr rifāqat meñ rah gayā
lagtā hai koī farq mohabbat meñ rah gayā

nochiye zaḳhm-e-jigar ko aañkh bhar kar roiye
aur kab tak hijr meñ yuuñ āh-o-zārī kījiye

ik muhīb sannāTā
hijr kā ghanā jañgal

vasl ke marhale se hijr kī manzil kī taraf
ishq meñ baḌh rahe haiñ āḳhirī mushkil kī taraf

kabhī ḳhauf thā tire hijr kā kabhī aarzū ke zavāl kā
rahā hijr-o-vasl ke darmiyāñ tujhe kho sakā na maiñ pā sakā

qalaq hijr ke haiñ yahāñ kaise kaise
gumāñ karte haiñ vo vahāñ kaise kaise

tere sivā bhī koī mujhe yaad aane vaalā thā
maiñ varna yuuñ hijr se kab ghabrāne vaalā thā

garmī ne dil kī hijr meñ us ke jalā diyā
shāyad ki ehtiyāt se ye tab bigaḌ ga.ī

chal pare haT mujhe na dikhlā muñh
ai shab-e-hijr terā kaalā muñh

hijr kī shab aur yādoñ kī surūr-āgīñ phuvār
kuchh to dil kī be-qarārī ko qarār aayā bhī hai

ye tire hijr ne tohfe meñ diye haiñ ham ko
ye jo ma.asūm se rishte haiñ hamāre shab ke

vo jo ik fart-e-shādmānī hai
hijr se vasl kī kahānī hai

yaḳh-basta shab guzār kabhī tū bhī hijr meñ
merī tarah kisī se muravvat tujhe bhī ho

roz-e-furqat kī darāzī se na dekhe shab-e-hijr
hasrat-e-shām meñ tashvīsh-e-sahar kuchh bhī nahīñ

sauġhāt mil rahī hai tirī yaad kī mujhe
is hijr ne sikhā.ī bahut shā.irī abhī

hijr kī rātoñ meñ lāzim hai bayān-e-zulf-e-yār
niiñd to jaatī rahī hai qissa-ḳhvānī kījiye

suno aao nayā ik zaḳhm baḳhsho
tumhārā hijr būḌhā ho gayā hai

tumhāre hijr meñ āñkheñ hamārī muddat se
nahīñ ye jāntīñ duniyā meñ ḳhvāb hai kyā chiiz

mohabbat ke safar meñ jab kahīñ par moḌ aa jaa.e
sunā ye hai vahīñ se hijr kā mausam nikaltā hai