Tags-Hijr

hijr thā yā visāl kis kā thā
ḳhvāb thā yā ḳhayāl kis kā thā

hijr-e-parda-nashīñ meñ marte haiñ
zindagī parda-e-dar na ho jaa.e

hijr kā mashvara mufīd hogā
dost hai bad-sigāl thoḌī hai

maiñ ek se kisī mausam meñ rah nahīñ saktā
kabhī visāl kabhī hijr se rihā.ī de

rotā hai shab-e-hijr meñ dil ḳhuun ke aañsū
miltā nahīñ koī use ġham-ḳhvār-e-mohabbat

rahegā hijr kā din kab kaTe agar shab-e-vasl
mudām roz-e-qayāmat ko bhī qayām nahīñ

tire hijr meñ ḳhur-o-ḳhvāb kā ka.ī din se hai yahī silsila
koī luqma haath se gir paḌā to ḳhayāl terī taraf gayā

hijr ke sañvlā.e lamhoñ meñ aas bhī tanhā chhoḌ ga.ī
kis se pūchhūñ kaun batā.e raat huī hai kitnī kam

vasl hai un kī adā hijr hai un kā andāz
kaun sā rañg bharūñ ishq ke afsānoñ meñ

abhī se tujh ko paḌī hai visāl kī mirī jaañ
abhī to hijr ne unvān hī nahīñ paayā

ajiib hijr kiyā ham ne hijr meñ 'momin'
visāl-e-yār kā armān hī nahīñ paayā

kyā ḳhabar kis ko tire hijr ne baḳhshī hai najāt
jaane vo kaun the ashkoñ meñ nahāte hue log

badal de hijr kī saa.at ko vasl lamhoñ meñ
banā ke kaam ko āsāñ muhāl kartā jā

jo duā māñgī vo phir vāpas na aa.ī hijr meñ
haath ham apne pasāre yuuñ ke yūñhīñ rah ga.e

hijr kī shab ko lahū ham ne diyā
ab kaho rañg-e-sahar kis kā hai

bas-ki tere hijr meñ hai nā-gavārā akl-o-sharb
dil ba-juz ḳhūn-e-jigar ai jaan kuchh khātā nahīñ

aaj shab-e-visāl hai dekheñge aap hijr bhī
aag jalā ke ishq kī is meñ davām Daal duuñ

hijr hai ab thā yahīñ meñ zaar ham pahlū-e-dost
mere bistar par mujhe taḌpā rahī hai bū-e-dost

āsūdgān-e-hijr se milne kī chaah meñ
koī faqīr baiThā hai sahrā kī raah meñ

vasl par dil hī kisī kā na ho maa.il jab tak
hijr kī puurī zarūrat nahīñ kī jā saktī