Tags-Imprisonment

ban gayā qaid kā farmān bhī rāhat kī naved
hue tārīkī-e-zindāñ meñ tire baal saped

tujh qaid se dil ho kar āzād bahut royā
lazzat ko asīrī kī kar yaad bahut royā

qaid āñkhoñ meñ hai bayābāñ bhī
ġham ke kuuze meñ ik nadī hī nahīñ

is makānī qaid se bāhar nikal
is zamān o lā-zamāñ par ḳhaak Daal

qaid se un ko chhuḌā.e kaise
apne hāthoñ jo giraftār hue

qaid meñ gar mujh ko apnī bāñdhtā rah jā.egā
mere rahte vo mujhī ko DhūñDhtā rah jā.egā

āvāgaman kī qaid se kyā chhūTtā kabhī
bas terā pyaar thā jo chhuḌā le gayā mujhe

mire safar ke liye roz-o-shab bane hī nahīñ
tumhīñ kaho ki maiñ kab qaid-e-māh-o-sāl meñ thā

jinheñ mahfiloñ se ġharaz na thī vo jo qaid apne gharoñ meñ the
vahī e.atibār-e-zamāna the vahī log dīda-varoñ meñ the

ek hī dā.ere meñ qaid haiñ ham log yahāñ
ab jahāñ tum ho koī aur vahāñ thā pahle

dil ne jab qaid-e-ta.alluq se rihā.ī māñgī
qurbatoñ ke liye kuchh aur bahāne nikle

kab se qaid huuñ
chalte-phirte zindāñ meñ

vo lamha bhar kī milī ḳhuld meñ jo āzādī
to qaid ho ga.e miTTī meñ ham sadā ke liye

jo bhes apnā badal ke aayā to rañg-e-itlāq muñh se dhoyā
kiyā hai paanī meñ qaid mujh ko havā kī sūrat habāb meñ huuñ

kufr o islām kī kuchh qaid nahīñ ai 'ātish'
shaiḳh ho yā ki barhaman ho par insāñ hove

bechārgī kī raat ke ġhār-e-siyāh se
qaid-e-sukūt toḌ ke koī sadā bhī de

pairoñ kī zanjīreñ kaaTo aur himmat se kaam bhī lo
varna qaid meñ rah kar yuuñ hī jīvan bhar pachhtāoge

mauqa-parast āb-o-havā meñ na jī sakā
apnī anā kī qaid meñ jaañ se guzar gayā

'iqbāl' yūñhī kab tak ham qaid-e-anā kāTeñ
mil baiTh ke logoñ meñ aa apne ḳhalā kāTeñ

fareb-e-tasavvur hai qaid-e-qafas hai
har ik shāḳh par āshiyāñ dekhtā huuñ