Tags-Abad

tā-abad jis kā na saayā jaa.e
peḌ aisā bhī lagāyā jaa.e

ajab nahīñ yahī kaif-āfrīñ ho shām-e-abad tak
jo tāq-e-sīna meñ ik ḳhuun kā ayāġh paḌā hai

'joshish' gul-e-mazmūn-e-chaman tab.a kā tere
dekhe na kabhī tā-ba-abad rū-e-ḳhizāñ ko

tumhāre qurb kī lazzat nasīb hai jis ko
vo ek lamha hayāt-e-abad se behtar hai

mire sivā kuchh nahīñ kahīñ bhī azal abad ek ḳhvāb-e-mastī
zamīñ qadam-bhar hai mere nīche falak nigah-bhar hai aur maiñ huuñ

ġhamoñ kā bojh hai sar par tumhāre
abad tak ham uThāne aa ga.e haiñ

raḳhsh-e-abad-ḳhirām kī thamtī nahīñ haiñ bijliyāñ
sub.h-e-azal-nizhād se karnā hai mashvara mujhe

abad tak saañs lene aur ġham sahne meñ lazzat hai
dayār-e-ishq meñ ghabrā ke mar jaane se kyā hāsil

zamīñ se kyuuñ na mujhe pyaar ho ki merā vajūd
azal se tā-ba-abad ḳhaak se ibārat hai

azal se tā-ba-abad koshish-e-javāb hai 'shāz'
vo ik savāl jo mub.ham rahā hai āñkhoñ meñ

sar-ba-sar shāḳh-e-dil harī rahegī
tā-abad aañkh meñ tarī rahegī

tā-abad hāsil-e-azal huuñ maiñ
yā faqat luqma-e-ajal huuñ maiñ

azal kī samt se chal kar maiñ 'ārif'
abad kī samt jaatā jā rahā huuñ

yahāñ kisī ne bhī ā.indagāñ nahīñ dekhe
so jo guzār chuke ho vahī abad samho

salīb-e-mauja-e-āb-e-havā pe likkhā huuñ
azal se tā-ba-abad harf harf bikhrā huuñ

yā tū aaj hameñ apnā le, yā tū aaj hamārā ban
dekh ki vaqt guzartā jaa.e kaun abad tak jiitā hai

hue vaqt-e-āḳhirī mehrbāñ dam-e-avvalīñ jo ḳhafā hue
vo abad meñ aa ke gale mile jo azal meñ ham se judā hue

mire naale haiñ ki azal abad tire ishve haiñ ki lab-e-masīh
vahāñ kun kā ġhalġhala vo bane yahāñ qum kī ye jo sadā hue

dil-tañg huuñ makān ke andar paḌā huā
bāhar abad kā qufl hai dar par paḌā huā

ik zindagī-gazīda se ye dushmanī na kar
ai dost mujh ko umr-e-abad kī duā na de