Tags-Abad

'nabīl' aise adhūre haiñ roz-o-shab jaise
mirā azal kisī andesha-e-abad meñ hai

vo abad tak uruuj kā partav
ham azal se zavāl meñ gum haiñ

tā-abad ḳhālī rahe yā-rab diloñ meñ us kī jā
jo koī laave mire ghar us ke aane kī ḳhabar

azal se sūraj abad meñ talāsh jis ko kartā huā gayā hai
sadaf zamīñ hai to zindagī kā guhar mirī ḳhaak meñ milegā

umr-e-abad se ḳhizr ko be-zār dekh kar
ḳhush hoñ fusūn-e-nargis-e-bīmār dekh kar

rok letā hai abad vaqt ke us paar kī raah
dūsrī samt se jā.ūñ to azal paḌtā hai

hadoñ ke na hone kī zillat se haare hue
abad ke mujassam kināre hamāre hue

dast-e-junūñ ne phaaḌ ke pheñkā idhar-udhar
dāman abad meñ hai to garebāñ azal meñ hai

kyuuñ nūr-e-abad dil meñ guzar kar nahīñ paatā
siine kī siyāhī se nayā harf likhā hai

sub.h-e-azal o shām-e-abad kuchh bhī nahīñ
ik vus.at-e-mauhūm hai had kuchh bhī nahīñ

ai kishn nāzirīñ ko mubārak basant ho
khelā jo apne vo abad tak basant ho

jaise kisī tane se juḌā ho tamām peḌ
mere azal abad se baġhal-gīr ek pal

musāfirat meñ shab-e-vaġhā tak pahuñch ga.e haiñ
ye log apnī abad-sarā tak pahuñch ga.e haiñ

tā-abad ek hī charchā hogā
koī ham sā koī tum sā hogā

maiñ jism nahīñ husn huuñ ai chashm-e-abad-tāb
mar kar bhī mohabbat kī kahānī meñ rahūñgī

ḳhanda-e-sub.h-e-azal tīrgī-e-shām-e-abad
donoñ aalam haiñ chhalakte hue paimānoñ meñ

abad kī raah pe be-ḳhvāb dhaḌkanoñ kī dhamak
jo so ga.e unheñ bujhte jagoñ meñ chhoḌ ga.ī

nahīñ khultā dar-e-nashāt-e-abad
chaak jab tak jigar nahīñ hotā

ik roz fikr-e-āb-o-nāñ tujh ko bhī ho jān-e-jahāñ
qaus-e-abad ko toḌ kar is arsa-e-ziyāñ meñ aa

kahāñ haiñ vo jo dasht-e-ārzū meñ ḳhaak ho ga.e
vo lamha-e-abad shikār karne vaale kyā hue