Tags-Abad

raushan hai ajal aur abad un kī ziyā se
ye rahmat-e-yazdāñ haiñ dahakte hue ruḳhsār

azal se tā-abad lambī yaqīñ hai Taañg bhī hogī
hasīn shoḳh vo sahrā-e-mahshar jis kā dāman ho

ai azal se tā-abad sāhib-faroġh
ai jamāl-e-be-hijāb

qidam hai zāt-e-vāhid haal hai mazī-o-mustaqbil
azal se tā abad kī ibtidā kyā intihā kyā hai

ai ishq-e-azal-gīr o abad-tāb
ye ḳhvāb mire ḳhvāb nahīñ haiñ ki mire ḳhvāb haiñ kuchh aur

ai ishq-e-azal-gīr o abad-tāb
kuchh ḳhvāb ki madfūn haiñ ajdād ke ḳhud-sāḳhta asmār ke nīche

ai ishq-e-azal-gīr o abad-tāb
ai kāhin-e-dānish-var o a.ālī-guhar o piir

ai ishq-e-azal-gīr o abad-tāb mere bhī haiñ kuchh ḳhvāb
mere bhī haiñ kuchh ḳhvāb

ai ishq-e-azal-gīr o abad-tāb
mere bhī haiñ kuchh ḳhvāb!

zulf ke kūchoñ kī darāzī na pūchh
chalne ko vaañ umr-e-abad chāhiye

azal abad to faqat havāle haiñ vaqt kī be-maqām gardish
ḳhabar nahīñ hai thame kahāñ par kahāñ se jaane chalī huī hai

aalam hai mast sajda-e-jānāñ meñ tā-abad
mastī balā kī bāda-e-''qālū-balā'' meñ hai

maiñ rūh-e-ālam-e-imkāñ meñ sharh-e-azmat-e-yazdāñ
azal hai merī bedārī abad ḳhvāb-e-girāñ merā

dhīmī dhīmī sī navā silsila junbān-e-abad
parda-e-jāñ meñ nihāñ ho to ġhazal hotī hai

tā-abad is ko nahīñ bād-e-muḳhālif se ḳhatar
hai hamāre haath par be-parda-e-dāman charāġh

ḳhvāb-kārī vahī kamḳhvāb vahī hai ki nahīñ
sher kā husn abad-tāb vahī hai ki nahīñ

nūr-e-sar-mastī-e-abad huuñ magar
mai-e-shaffāf meñ hulūl huuñ maiñ

sub.h-e-azal hai kab se mire intizār meñ
jī chāhtā hai tāq-e-abad meñ paḌā rahūñ

mauja-e-qulzum-e-abad aur tū
chand būñdoñ kī tishnagī aur maiñ

qayām-gāh na koī na koī ghar merā
azal se tā-ba-abad sirf ik safar merā